因為又有同事生日,所以又要上網搵食,搵到The Wave未去過,原來呢到有好多食店,睇食評唔錯就揀呢到。
我地一行4個人來到,比左最入嘅位我地,本來都驚會好嘈 (觀塘去邊食都好嘈下),估唔到當時已爆場咁滯,都可以靜靜的傾到偈,唔錯。
呢到有樣好係Semi Lunch Buffet係個餐包哂自助沙律吧,我只食素的可以只叫A餐 ,其實已經好夠食。
① A餐:自助沙律吧+甜品餐($88)
② B餐:自助沙律吧+鮮茄汁煙火腿露荀意大利麵($98) x 3
自助沙律吧都幾豐富,有凱撒沙律、車里茄、青瓜、紅腸、魚蛋、長通粉沙律、紅菜頭沙律、薯仔沙律、粟米沙律、鮮果啫喱、朱古力冬甩、德國芝士蛋糕、朱古力蛋糕、2款湯同幾款炸物,單食呢D野已經夠飽,味道都唔差,我就覺得紅菜頭沙律最好食。