目前分類：湯小姐 (11)
- Nov 01 Thu 2018 12:59
與湯湯預祝生日茶慶一翻
- Jul 16 Mon 2018 23:52
2年後的今天再與妳暢談相聚
咁啱得咁橋，剛好2年前的今天同湯小姐聚會，上次就係去Starbucks歎啡傾左2粒鐘。
今晚去左食韓燒，我地都係第一次去食韓國野咋，終於都唔係中菜喇。
同湯湯食飯當然唔止要準時，我係1840已經到銅鑼灣，係樓下等.....
到1855眼見不遠處有個紅髮人行緊來，湯湯呀~~妳太養眼喇！
示意佢我係到後一齊上去，咁啱2公婆同時間入Lift，湯湯都話我地４個係準時嘅人。入到去，湯湯好快發板叫左肉肉，緊係由男士燒野啦，我地就慢慢傾，其實坐係佢隔離距離咁近，話唔緊張就假嘅，不過畢竟一齊食過咁多次飯見面，雖然今次距離最近，但係開心多於緊張喇，但對住愛人心跳就緊架喇。
其實時間都過得好快，說說笑笑已經到2130，今回我簽卡請湯湯，仲比佢話點解要我請，真的，妳出現已經好好架喇！
上次見佢係3月28日錄影<流行經典50年第2輯>，相隔３個多月，心感不見一日如隔三秋呢
- Sep 20 Wed 2017 12:38
終於完成流行經典50強與50年
謝謝妳🍲🍲，讓我多了很多非常開心的回憶😘，我愛妳 😳 永遠愛妳。
由50強、50年到唱爆週末合共29集節目我去左28集 (如果唔係旅行會去哂)😏
感謝湯湯為我地帶來無限歡笑與驚喜(對6寸係驚嚇)，妳帶來的24首歌我會好好保存 
經過呢8個月時間真心多謝TBB，如果唔係我都冇機會一年內可見湯湯咁多次 💘
當然要謝謝與我同行的你們；期待日後繼續看妳表演的機會
- Aug 17 Wed 2016 13:00
湯寶如@向雪懷一生中最愛作品演唱會160812
隔一個月再可以見到妳真係好開心哩
終於可以再次係紅館睇妳演出
呢晚獨唱 2首歌都好好聽呀
我愛妳~
①大合唱＜一生中最愛＞ ☛ ②(獨唱)我和秋天有個約會 ☛ ③(獨唱)蘇永康：讓我暖一些 ☛ ④大合唱＜朋友＞
- Jul 21 Thu 2016 14:39
今年第一次同湯湯飯聚@《翡翠拉麵小籠包》
睇過上星期我的網誌，都知我講過湯湯約我地食飯哩，結果呢~~~ 不足一個月真係可以同湯湯同枱食飯，又因為些少原因，最後就只有我地上次睇
區瑞強演唱會果2個Fans加埋我地共6個人，本來都驚人太少我會太緊張嘅，雖然最後我都係好緊張又霧汗，不過因為人少D，傾偈就更加肆無忌彈乜都講，更是好有眼神接捉地傾，今次係我地多次飯聚次中最開心嘅一次呀！
呢晚我地1910去到攞位，1930湯湯佢地來齊喇，食到咁上下呢，因為菜的份量其實都唔算好大，所以再多加2個菜同甜品，最後係食上海生煎包果時，因為有6隻，我又唔食，湯湯竟然話：
湯：同妳猜左佢，妳輸左就要食。
我：下....咁妳輸呢？
湯：我食囉！
我：好啦(笑)
我：好啦(笑)
結果…..緊係我輸左，雖然食左有罪惡感，不過呢個少少玩兒又令我好開心嘅。
最後我地食到2125後就開給影下合照，仲要係湯湯埋單請我地添，因為席上有講過好幾次Starbcuks，佢就這下次請佢去Starbucks，我緊係話好啦。
- Jul 14 Thu 2016 11:29
湯湯@區瑞強 我們一起唱大演唱會2016
第一次睇區瑞強演唱會，真係估唔到自己會睇，相信以後唔係有湯小姐做嘉賓都真係冇下次喇。
8點好準時開始，不過唔係唱歌而係有主持出來頒獎，好似話係多謝區生呢幾場的善款吧！？
因為當時我研究緊部相機，所以都冇認真睇到係乜事。
到2015正式開始.....開頭唱嘅都係其他歌首的歌，又估唔到全部都識，到2045請左嘉賓出場...已經唔記得叫咩名，只覺得唔明回解要請個唔多識唱歌嘅藝人表演？
等呀等...終於係2100請湯湯出來喇，先合照《相思風雨中》，再由湯湯獨唱《緣份的天空》，呢晚湯湯狀態好好，唱得好好聽呀！
當佢係2125唱完，我地就即離坐出停車場等佢走喇，2130終於見到佢，傾下影下合照，湯湯更約我地食飯添~ 好開心呀！
2140散lu~~~~呢晚真係好開心可以睇到湯湯演出....
- Oct 13 Tue 2015 16:01
湯湯生日小Party 2015
10月3日，呢日我地為湯湯提早一日慶生，我1420到達，上到去已經差唔多齊人喇，我地整吓汽球佈置一吓，到1440湯湯就來到喇，連湯湯，我地今次共有１５人！
湯湯來到，我地始通知下面話可以攞野食上來，連埋我地點的到會，共有９款食物、１款甜品、２汽水、１菊花茶及橙汁；通常我去到邊都冇乜野係啱食架喇，呢次我都有食到幾顆西蘭花、幾粒車厘茄同２件芒果布甸。
每位都好努力食食食，相信真係等呢餐晏左嘅Lunch，食到咁上吓又停下，當時仲有好多食淨，不過過一段時間又有Fans食吓，最後都唔算淨好多野，咁都好Ｄ。
到1515，全部人都坐係到，我就因為我老友唔得閒，所以我呢Ｄ內向嘅人，都好少出聲也冇搵人傾偈，企係另一邊影相，湯湯就突然嗌我個名話：「做乜咁耐都聽唔到妳把聲架？」我咪答我怕羞嘛 :p
之後又問我去左西安玩，Ｄ兵馬俑係咪好遠等等，只要一兩句同妳對話足以令我開心好耐，可以為妳慶生真的覺得好幸福。
到1515開始到切蛋糕吹蠟燭環節，見到我地個個都係咁影相，果然係最熱鬧嘅時刻，見妳３個蛋糕都許願，必定會成真嘅！
臨到尾聲，我老友終於來到了，當然係散水前捉湯湯同老友selfie一張相先啦，最後到18點正就散喇。
- Aug 18 Tue 2015 16:04
同湯湯去《泰簡單》飯聚
呢晚因為lift壞了，根行樓梯上到頂層，我地準時1930到達，以有３位Fans到了，今次一行９人，等到湯湯2020終於來了！
佢一來即時坐下問叫左野食未？又話好肚餓，坐左係我前面實在太好喇！！！
點好哂野食後就慢慢同湯湯傾偈啦，食下偈下，食到咁上下，係靜左落來時佢突然叫我個名問我最近有冇去飲咖啡....又拿鐵又剩，好搞笑；又傾下最近嘅演唱會，又問佢之後工作係點等等，睇佢笑得咁開懷真係好開心，呢晚更係素顔來添，如果唔係當朋友聚會又點會咁素顔呢？
食到最後，湯湯問食唔食甜品，佢想食西米糕喎，因為我地好多人都唔食，所以夾埋只點４件，個職員落單時仲用手指話我地知糕點的大小，仲話得４隻叉，嘩~~呢Ｄ係乜野態度呀！
食到2220，足足傾左２個鐘，今回由我地請湯湯，無理由次次都係佢請嘛，埋單後就直接走了，冇地方比我地影合照，不過都唔打緊，因為佢坐係我前面已經比我睇左成晚，好開心！
- Jul 21 Tue 2015 18:14
再度同湯湯去《樂天皇朝》飯聚
再來了再來了！
估唔到今次只相隔半年就可以再同湯湯飯聚，叫我地諗食乜，但各人都好似搵唔到間啱心水嘅，結果呢.....咪去返上次聚會果到《樂天皇朝》囉！
呢晚我地約好８點準時到齊，湯湯來到已經2040了，不過見佢好似好趕咁嘅？
佢坐左係我隔離，好耐都冇咁近距離，好開心但又好害羞呢...佢一同我講野我就驚驚地，係小Fans心態，就算幾熟都好始終係Fans，仍會有怕羞冒汗嘅 。
因為我要全紀錄聚會食過Ｄ乜，所以全程都掛上相機係頸，係食到一半時，湯湯突然望住我坐埋來問係咪影相啫？搞到我發哂熱....不過當然好開心，就係咁就影左得我地有嘅獨照~~（興奮）
不過原來湯湯唔記得左呢晚佢有野做，所以好趕咁食到2147湯湯埋單，影合照就散，不過佢都話唔好意思佢唔記得呢日有野做要咁趕，所以臨走前都講左好幾次話下次再食，就六月啦！
不論係點，已經覺得湯湯係好有誠意嘅，呢晚雖然見得唔耐，不過又係過得好開心吖！！
- Apr 05 Sun 2015 12:09
善學友好慈善音樂會 2015-3-25
知道有呢個Show都係係湯湯Facebook見到先知，如果唔係一定唔會留意張Poster啦....
知道有Show後第２日，已經叫老友去買飛捧湯湯場喇，呢晚８點多開Show，司儀出來唱兩咀、主席鳴謝、頒贈支票證書等等，到2030才正式開始演奏、表演。
來呢到主要捧湯湯場，所以其他表演者不用說了，一直等等等....等到湯湯出場已經係2235，真係差不多係壓軸出場，等死人啦！
先唱了《緣份的天空》後講左幾句再唱《感冒》後慢慢想返入後台，我都Ｏ左咀架喇，點解佢會走！？
就係佢走左一半，後台有人話仲有合唱呀！陳有便自己慢慢走出來冇人介紹呢~~ 湯湯就係咁話真係唔記得左仲有合唱，真係撞鬼佢囉...大頭蝦到呢！
陳有唱成點就.....真係唔想再講喇.. 哈哈哈哈！我地聽左半首歌都閃，出去後台大門等湯湯出來嘛！
2250終於見到湯湯，我地其７個Fans同湯湯傾吓影吓相，湯湯仲約我地食飯...好感動呀！！
2305湯湯臨走時更同我地續個面貼面byebye，第一次那麼貼，本親近喔....。
- Dec 21 Sun 2014 11:51
同湯湯去《樂天皇朝》飯聚
等了一年，終於可以見到湯湯喇！！
話說係微博同過湯湯講過幾次好掛住佢好耐冇見，佢就話搵日食飯，我又答過就算唔成事，妳咁講過我已經好開心...
點知隔了２~３個月，湯湯真係叫人搵我地夾時間出來一聚........當時真係好感動呀，湯湯原來冇忘記過我地！！
等了又等，等了半個月，終於係今晚可以見到湯湯喇，其實我愛上佢廿多年，每次見到佢都仲會緊張仲係怕羞唔敢同佢講野....但其實真心真係好開心的。
呢晚我地８點去到，環境很好，只是成間店都比較嘈，我地被安排坐在最入一間大房內，呢到應是店裡最靜的位了吧！？
大大張圓枱應可坐14人，呢晚我地有12人，位置很鬆動幾好坐。
湯湯2035都來到了，揀來呢間應該係佢意思，因為見佢在點菜紙講呢款好食果款好食，那今晚就由佢發板點菜啦。
當菜式陸續上枱，但中間那個大轉盤就真是太大了....而且每碟都很細小，令成張枱都空空洞洞，感覺怪怪的，要食某款菜時就要轉一個大圈，其實都幾搞笑。
開頭湯湯點了９款食品，可是每款都不太大，每碟都好快就比我地食哂喇，結果要加添３回先夠，食足２小時。
