抹茶黑糖竹炭切餅 ($25)
一層層不同顏色已經覺得幾靚仔，裡面的蛋糕抺茶味唔算好濃，反而最濃郁帶苦澀味嘅係最頂那一片抺茶，正。
最底層係朱古力脆脆餅底，夠脆好好食；蛋糕唔甜嘅，竹炭蛋糕其實都係普通蛋糕味，中間有薄薄一層黑芝麻醬都唔錯；尾二果層的抹茶寒天好食，整體都算唔錯喇。
宇治抹茶紅豆蕨餅杯 ($22)
長方形膠杯Size細細，面層有寒天、紅豆同抹茶蕨餅，下面有抹茶啫哩、奶凍、抹茶Ｍousse，最中間底部有抹茶蕨餅，就咁睇層次好豐富。
寒天好甜；紅豆好甜又煙韌，似同糖水煮得太久；抹茶蕨餅煙韌好有抹茶味；一層抹茶啫哩太少，唔覺有Ｄ乜野味；白色奶凍唔重奶味；成個甜品最豐抹茶味嘅係最底一層Ｍousse，本濃郁好味。
【美人の赤苺】赤苺の思慕(草莓慕絲甜品杯) ($22)
面頭有寒天、草莓同忌廉，寒天彈彈甜甜的好食；入面係一層草莓慕絲，海綿蛋糕、草莓果凍再加一層草莓慕絲，最底質係草莓果醬，整體都幾豐富好味也唔太甜，唯獨最底的果醬太甜而已。
【美人の赤苺】赤苺の卷‧件裝(日式草莓慕絲卷) ($19)
蛋卷頂頭有半粒草莓，幾甜，卷住中間有大粒草莓更甜，不過蛋卷唔夠鬆軟，冇乜草莓味。
【美人の赤苺】赤苺の果園(鮮草莓果撻) ($20)
賣相好靚，草莓甜甜，中間有四方體海綿蛋糕幾濕潤，包住海綿蛋糕的忌廉幾滑，但最底的曲奇皮質好硬唔脆！
全站熱搜
留言列表
