目前分類：咖啡／食食食 (109)

瀏覽方式： 標題列表 簡短摘要
近２年好多時周日行經呢到，見到呢間店感覺係開左好多年嘅，可能望入去隔局似啦，周邊店鋪又咁舊式，所以有呢個錯覺，不過上佢面書睇，方發覺係2013年先開業，又真係估佢唔到。
一踏入店裡，對住門口有２人位，我地就坐落去，另外的都係長枱４人以上嘅位，都係全用上木枱木櫈，加埋店裡裝修，感覺就更老店。
餐牌方面都好多款式，除了有是日飯餐外，更有石仔自選粥餐／麵餐，都係粥／麵+小食+飲品，睇下圖中餐牌就知都有多款野可揀嘅。
本來我都想揀個粥餐食，點知只有豬紅魚片粥我係食嘅，但我又唔食魚片呢，最後都係放棄啦，最後我地揀左以下野食：

① 自選粥餐：杞子滑雞粥+京醬豬紅+熱檸茶 ($52)
② 生滾豬肚粥 ($28) 
③ 油炸鬼一條 ($10)
Total= $90
 
(繼續閱讀...)

hoie 發表在 痞客邦 留言(0) 人氣()

▲top
記得係農曆年時係尖咀行過去旺角途中見到有間店裝修緊，當時已經見到門面以湖水綠為主，感覺好Cafe幾西餐添，之後隔左一個多月再行經此地見到係一間米線店，我都呆一呆，吓！？
完全唔似食米線喎，除左因為門面似Cafe外，周圍已經咁多間食米線嘅店，係呢到又開一間，係外面見到餐牌又唔係特別貴，以呢區鋪租唻講，捱到嗎！？

隔左幾個月再行經，咿~~ 呢間野仲捱喎，相信食物應該都唔差啩？
咁啱又係店外更見到有我最愛嘅蕃茄湯底，即時好感興趣一試，適逢呢晚有戲睇，一於試下喇！
 
呢晚我地７點來到，已經差不多滿座，好彩我地早一步到，有枱坐，唔係就要坐吧枱，不過見到吧枱有USB充電座供叉電，太貼心了吧，仲要係面壁而座，早知就遲一步揀坐吧枱啦。播住純音樂，環境都幾唔錯，不過枱與枱之間都幾迫，空間感唔太夠。
 
Menu好簡單只有４版，不過都要睇清楚，因為有４款湯底加不同配料不同價錢，總之每種湯底都附一款配料，如果唔加配料就一個價喇，其實同其他米線店一樣。
(繼續閱讀...)

hoie 發表在 痞客邦 留言(0) 人氣()

▲top
呢晚因為去APM睇戲，不過APM冇乜野啱食，就約佢去德福睇吓有乜好食，遊下諗下之際記得有次行上Megabox有間食印度快餐嘅，都想試下跍，就係咁就行咗過去喇，要上到10樓，第一次來Megabox food court，睇環境我就搵咗個對住溜冰場位坐低喇。
 
我最鍾意就係食卡巴卷，當然唔使諗就揀到啦，佢都諗咗一陣先諗到食乜，最後係1950終於落單，其實係外面都可以好清楚睇到裡面煮食環境，不過呢個food court唔係用電子牌，買完要係附近等嗌No.，我就見到有幾個人都聽漏咗喇。
雖然每樣野食都要等下，不過係即叫即製嘅話都接受吖，只係要杯熱咖啡要等到最後先出咯~ 
20:11開得餐，以下係我地點的：
① Set R7: 蔬菜蕃茄咖哩飯 配凍檸檬伯爵紅茶 ($42)
② Set K8: 蔬菜沙律卡巴卷 配熱咖啡 ($36)
③ M1: 印度咖哩薯條配蕃茄馬沙拉咖哩 ($18)
Total $ 96
到Megabox食個印度快餐《Royal Paisley》
(繼續閱讀...)

hoie 發表在 痞客邦 留言(0) 人氣()

▲top
在全新蜂蜜脆糖朱古力咖啡星冰樂®及蜂蜜脆糖香橙星冰樂®中尋找意想不到的夏日樂「脆」!
Explore the creamy, crunchy goodness on your first trial of our Mocha Honeycomb Crunch Frappuccino® and Orange Honeycomb Crunch Frappuccino® blended beverages!
 
 
蜂蜜脆糖香橙星冰樂®  (HK$41/中、HK$44/大、HK$47/特大)
Orange Honeycomb Crunch Frappuccino® blended beverage
於冰涼細滑的香橙星冰樂®表面加上蜂蜜脆糖、鮮忌廉和風味酸甜獨特的香橙果醬，細啜一口，馥郁迷人的果香氣息於味蕾中燦爛綻放，定能為每一個陽光充沛的夏日注入朝氣。
 
蜂蜜脆糖朱古力咖啡星冰樂®  (HK$41/中、HK$44/大、HK$47/特大)
Honeycomb Crunch Mocha Frappuccino® blended beverage
(繼續閱讀...)

hoie 發表在 痞客邦 留言(0) 人氣()

▲top
又一年同佢過生日，每逢到呢個日子要諗買乜禮物要痕外，揀去邊到食都同樣頭痕，係揀呢間前有想過去姆明餐廳同尖咀Jamie's Italian嘅，點知早大半個月去Book位都full左，而姆明餐廳又怕冇乜野啱食，直到一晚行經棉登徑果頭，我倆行行吓見到呢間Brick Lane Gallery裝璜幾靚仔，好似都ＯＫ喎，說走入去Book位喇，又比我地Book到，所以就來啦。
book位時店員講明只會Hold枱10分鐘，過時說自理啦。
所以我地呢晚極準時地1930點入去攞位，但我地一坐下即感到心知不妙，雖然環境燈光幾好，可是覺得很嘈，唔係內裡的音樂聲(其實都唔多覺有音樂)，而係食客嘅說話聲，唔明點解會好似酒樓....Ｄ聲焗住哂咁，我地想傾吓偈都費事，因為怕好似鬧咬咁大聲先傾到偈。
 
我地坐下諗食乜都諗左15分鐘，最後揀左３款野食同飲品，雖然呢到有款甜品好出名，不過唔係我地杯茶所以冇叫，我都知係餐廳食叫飲品係唔抵，不過都覺得價錢偏高；另外食物方面唔係唔好，但如果同其他我地食過的食店來對比，就真係唔夠好，價錢同品質唔太成正比。
 
不過值得讚嘅係店員服務態度幾好，見你杯中冇水會過來倒水，食完一款食物又會來換碟，當然我地唔比較環保，所以都話唔使換喇。
同埋我有發覺店員會留意食客進食的進度，唔會一次過將食品上枱的，因為我見店員會望我地食到差唔多最後，聽到佢叫裡面話沙律上得，冇幾耐我地的沙律就來了，我唔知係為食客著想還是枱太細而續款食物上枱，不過我就覺得呢方面做得幾好。
同佢來《Brick Lane Gallery》食生日飯
150630-02
(繼續閱讀...)

hoie 發表在 痞客邦 留言(0) 人氣()

▲top
成日都係去完中環Starbucks行落灣仔，從低處望上１樓嘅合和Starbucks，好多次已經想上去睇下，不過次次就係經過冇轉彎上去，今次唔同喇，因為下面開左間無印麵包店，所以都可以順道行埋喎，比個機會來呢間Starbucks hea下啦！
呢期我地決定只揀食舊野食，唔試新嘅，不過其實有幾款舊野我地都未食過 : > 
 
 
三文魚忌廉芝士三文治 (半份 $24)
去到只見到半份，感覺唔係好抵食，不過都想試下；
餡料有三文魚、忌廉芝士、刁草和羅馬菜酸瓜等；麥包的質地比較乾，三文魚尚算新鮮，但又唔似煙三文魚？配上忌廉芝士唔錯，不過忌廉芝士味太重，食唔到其他材料的味道咯，只可說配搭健康有營，但整體一般。
試返Ｄ舊野@Hopewell Centre Starbucks   
 
 
(繼續閱讀...)

hoie 發表在 痞客邦 留言(0) 人氣()

▲top

花畑の木槺芝士蛋糕 ($20)

原來呢件用的芝士係北海道花畑牧場濃烤芝士得過獎，感覺即時升級左。
其實單睇外表已經幾吸引，雖然細細件，但一樣層次分明， 外層呈金黃色,的木槺質感鬆脆， 芝士質感硬身，味道相當的濃郁，只覺有少少膩而已，都好食！
 幾款《東海堂》小甜品都幾好  
 
 
 
紫薯玄米茶撻 ($20)
呢件用牛油撻底，尚算鬆脆，盛載着一圈一圈沖繩紫薯蓉，不過紫薯味淡，中間有玄米茶牛乳忌廉同朱古力蛋糕，忌廉冇玄米茶味，朱古力蛋糕鬆軟，整體都算ＯＫ嘅。
幾款《東海堂》小甜品都幾好
(繼續閱讀...)

hoie 發表在 痞客邦 留言(0) 人氣()

▲top
成日行經尖沙咀都見呢間，本身我又鍾意食Pita，所以次次經過都有想入去食嘅念頭吖！
適逢呢晚去睇演唱會，又唔想食熱辣辣粉麵，係尖咀徘徊之際我地都諗起呢間野，所以就即去啦~
差唔多七點，店子唔大，不過都已經差唔多坐滿，剛好有張枱係近開放式廚房，所以就入去坐低，睇過Menu後，先知道呢間係中東菜/清真認證食品店喎！
餐牌上都有好多款野食揀嘅，烤醃羊肉串、 咖喱、 比薩餅、 Biryanis、 沙拉，魚等等，我當然揀左暴鍾意的卡巴。
佢就走上前去Counter買野食，點知原來堂食係有加一嘅，不過又冇人來招呼，所以的地都以為係要自己買野添~
Anyway，買完坐低等啦，以下係我地點的２款食品：﹣
① 咖哩魚肉炒飯配沙律 Fish Biryani with Salad ($55)
　(Basmati Rice cooked with Fish, fresh vegetables and exotic spices)
② 希臘雜菜沙律卡巴 Greek Salad in Pita w/ Fresh Mint ($55) 
(繼續閱讀...)

hoie 發表在 痞客邦 留言(0) 人氣()

▲top
呢間餐廳我係報紙或網上都見到每隔一段時間就會有不同主題出現，曾經有我係小忌廉丶足球小將、沖繩島同早前嘅多啦A夢劇場，早係「我係小忌廉」嘅主題已經想去喇，不過就係唔想為佢而走入Mega Box，感覺好遠..，終於有日要到德福睇戲，諗諗下不過行遠少少食返次啦，不過已經係冇主題嘅時候咯。
其實一直只知呢間叫《日和号》，都冇諗過係食乜架，呢晚去到先知係食日本菜，係門口睇過Menu都覺得價錢偏高的，不過佢又話入去食喇，就去試下吧！
 
 
為顧客帶來新鮮主題的「日和号壽司料理」，繼動畫「我係小忌廉」丶「 足球小將」、和日本「沖繩島」為餐廳主題後，今次帶來的是全城熱話的 ...
店員帶我地到裡面中間位，感覺太空礦太好光猛，感覺係怪怪的，坐左10分鐘後我地都未諗到食乜，見門口的列車車卡位有人走，還惦未叫野食，我地就過去坐喇。感覺即時好好多，好快都揀到食乜添，Menu都有好多款選擇，另有一個牌係「精選特價推介」，因為感到主菜牌價錢偏高，所以呢日我地係特價推介中點左３款食物，另外叫左罐限時的櫻花啤酒試下啦。
 
由第一道菜到最後一道菜共用了10分鐘，都好快，不過就係覺得食物質素一般，未有一道菜式令我有回頭想再食的，服務又一般，冇人做野咁，講真，想來試咁耐，最後係有Ｄ失望嘅。
 
以下係我地２人點的：-
(繼續閱讀...)

hoie 發表在 痞客邦 留言(0) 人氣()

▲top
千層玉桂 Cinnamon Pull Aparts ($19)
買左返來睇樣其實都睇唔出係乜野來？
必開後原來係變種丹麥酥，必須叫店員烘燶Ｄ香Ｄ且呈現金黃色夠鬆脆，內層鬆軟有豐富牛油香，逐層撕下只見玉桂得一層，略嫌唔夠玉桂，而且食完都覺幾膩。
 夏季新食@Starbucks150426-2 千層玉桂($19)150426-3 千層玉桂($19)  
 
 
辣肉腸蕃茄芝士餡餅 Pepperoni Caprese Pocket ($23)
成個餡餅只有面頭一塊蕃茄，裡面也有一塊辣肉腸同肉醬，冇芝士味嘅，個包質地算OK啦。
(繼續閱讀...)
文章標籤
Starbucks

hoie 發表在 痞客邦 留言(0) 人氣()

▲top
我係一個超愛抹茶味嘅人，即係就算我唔鍾意食甜味，明知抹茶多數都係會偏向甜品果邊，我都想試試試下...甜就甜啦，只想食到不同抹茶嘅產品，所以呢，本來之前得知荷里活廣場開左間抹茶館已經好想去，不過果個商場真係冇野好行喎，搞到冇動力去囉，於是上年係新城市廣場開左分店，終於可以搵晚去試下啦。
 
過往行經呢間店都有大量人等位，講真的，真係唔使旨意要我等位，好彩呢晚佢收工去左攞位，仲坐係裡面等左我半個鐘，我先收工入到去，可幸的是當時顧客未算太多，佢又叫左杯飲品等我，所以未至於有人比面色佢睇，因為我們坐的位置係正大門口呢。
 

好了，當我坐下好快就揀到要乜，先點主食後再點甜品，以下就係我地點的：

① 抹茶沙冰 Maccha Smoothie ($49)
② 香蔥蜆肉拉麵 Clam & Scallion Ramen ($59)
③ 海鮮豬肉泡菜丼 Fried Pork & Seafood With Kimchi Rice Bowl ($79)
④ 抹茶軟雪糕最中 Maccha Soft Serve Ice Cream - filled wafers ($39)
⑤ 天突黑蜜抹茶葛粉條 Brown Sugar Syrup Maccha Kuzukiri ($29)
(繼續閱讀...)

hoie 發表在 痞客邦 留言(0) 人氣()

▲top
盡享初夏意式風情 Discover Layers of Fun in Panna Cotta
 
夏日馥莓意式奶凍星冰樂® Summer Berry Panna Cotta Frappuccino® blended beverage
（中：HK$41、大：HK$44、特大：HK$47）
軟滑的意式奶凍與酸甜的夏日馥莓是經典美味的甜點組合，絲絲果酸平衡濃郁奶香，口感細膩綿密，再於面層覆滿鮮忌廉及馥莓醬，盡享繽紛涼快的夏日意式風情。
 
特濃朱古力咖啡意式奶凍星冰樂® Dark Mocha Panna Cotta Frappuccino® blended beverage
（中：HK$41、大：HK$44、特大：HK$47）
於甘甜的特濃朱古力咖啡星冰樂®之中加入充滿奶香、口感細滑的意式奶凍，再於表面覆滿鮮忌廉及特濃朱古力粉，打造出黑白相間的濃厚滋味，為精采初夏揭開序幕。
Discover Layers of Fun in Panna Cotta  
(繼續閱讀...)

hoie 發表在 痞客邦 留言(0) 人氣()

▲top
呢晚我地４個人去睇演唱會，都唔知食乜好，諗諗下不如去世華係赫德道果間分店食小菜啦，就咁就上左去，其實去到果時都覺得有Ｄ懶野....因為記得上次去另一分店食過係麻麻咋喎。
呢日我地７點已經到喇，我就揀有個雜菌什菜米粉自己食嘅，另外叫一個４人餐食。
其實呢到咁大，但一眼就知人手不足，我地坐果個位仲見到廚房裡面添，冇乜人煮野咁，唔怪之得我地點左野食後要等咁耐啦，尤其梅菜蒸鯇魚要三吹四請先上枱，另外明明４人餐有４個白飯，但佢就比左３碗，例湯更要我地食到最後問係咪有例湯先話係，唔問都冇得飲喇！
唔知係突登還是真係唔記得啦....。
總括來講，呢間服務唔多惦之外，食嘅都一般而已。
 
 
① 雜菌什菜金邊粉(轉米粉) ($33) 
(繼續閱讀...)

hoie 發表在 痞客邦 留言(0) 人氣()

▲top

藜麥杏脯鬆餅 Quinoa Apricot Muffin ($18)　

眼見面層有好多藜麥同甜甜的杏脯，烘燶Ｄ藜麥更有咬口，可惜藜麥同杏脯就只限於表面，裡面就只有半粒杏脯，其餘就真係齋鬆餅，雖然鬆餅都好濕潤唔乾，不過說真的真係冇味.....好啖好啖....，係有Ｄ失望嘅！
要試下春季新點@Starbucks150308-2藜麥杏脯鬆餅($18)  
 
 
焗蘋果酥卷 配雲呢拿汁 Apple Strudel with Vanilla Sauce ($29)　
好開心呢個蘋果酥返來呀！同過往一樣咁好食，蘋果唔好過淋有得喉吓，酸酸甜甜的；酥皮好鬆化，加埋面頭杏仁片更脆，另有甜甜的雲呢拿汁，如果怕甜其他唔點汁已經好食，就算食哂成個都唔覺膩。
 要試下春季新點@Starbucks  
 
(繼續閱讀...)

hoie 發表在 痞客邦 留言(0) 人氣()

▲top
讓我們的櫻花隨行杯伴你愉快渡過這個生意盎然的初春
春風吹送，櫻花飛舞，讓徐徐飄落的粉色花瓣為你預告浪漫動人的咖啡時光。
 
 Taste Vibrant Flavors in Full Bloom@Starbucks  
蜜糖雲呢拿咖啡
在花開正盛的季節品嚐全新蜜糖雲呢拿咖啡，細享層層相疊、絲絲入扣的甜香風味。融合特濃咖啡及幼滑牛奶調製，這杯飲品在蜜糖及雲呢拿的馥郁中透露令人陶醉的初春氣息。最後，我們的咖啡調配師會以蜜糖醬畫上網紋印記，確保每一劃、每一勾都是咖啡調配藝術的完美追求。

榛子咖啡
載譽回歸的榛子咖啡以星巴克特濃咖啡配上新鮮蒸煮的牛奶，並由咖啡調配師以富烘烤榛子甜香的榛子醬在綿滑奶泡上勾畫出優美的網紋印記作結，不單散發濃厚的榛果香氣，更細膩地演繹了精練的咖啡調配美學。

綠星級及金星級會員推廣手調飲品免費升級
(繼續閱讀...)

hoie 發表在 痞客邦 留言(0) 人氣()

▲top
上次去龍皇飲茶...諗諗下都可能係７~８年以上咯，本來我都唔多記得去過添，都係同事話我知果次又係去食生日Lunch，仲係第一次食那個當年很出名的＜雪山包＞添，我才醒起好似無喎~
還惦去過多次陶源，咁耐冇去龍皇，好啦，一於問問２位壽星好唔好啦，不過都相信一定話好嘅，不出所料喇！
呢日我早２個星期book定位了，我先準時去攞位，其餘４人陸續來到，當我一上到去真係覺得好陌生，就好似未去過一樣，只覺得原來上面咁靚？好似好貴咁喎...感覺比陶源更High (雖然不知陶源實際價位)。
 
先由壽星揀完再到我地揀，最後揀左10款食物，呢日我地傾開而家好多茶樓廚房都係流水作業，唔係即叫即製，不過我地都覺得呢間龍皇應該係即叫即製嘅，上碟時有Ｄ好靚仔有Ｄ就唔多靚啦，不過總括來講一致都係向好的，除了食品外，呢到比觀塘多間酒家環境靚Ｄ又靜Ｄ添，因為除了食，傾到偈才是最緊要的。
 
 
是日我們點了以下食品：
① 龍皇一品炒飯 Fried Rice with Conpoy, Egg White and Olive ($98)
② 鹵水豆腐 Marinated Bean Curd ($33)
(繼續閱讀...)
文章標籤
龍皇酒家 生日

hoie 發表在 痞客邦 留言(0) 人氣()

▲top

田園西蘭花蛋批 ($33)
批底好薄，西蘭花茸冇乜調味富西蘭花味唔膩，中間一層厚蕃茄片同頂層的蛋好夾，好食！

Starbucks 羊年麵包小點   
 
 
聖誕朱古力鬆餅 ($21)
就係一直都有得賣的朱古力鬆餅上加了黑、白朱古力片作鹿做型，黑白朱古力片嘅朱古力味都好淡，冇朱古力味也唔甜，普通。
朱古力鬆餅依舊有濃濃的朱古力味，唔甜，質地濕潤，唔錯。
Starbucks 羊年麵包小點   
 
(繼續閱讀...)
文章標籤
Starbucks 星巴克

hoie 發表在 痞客邦 留言(0) 人氣()

▲top
呢日本來以為可以２點去到high tea後睇場戲嘅，點知要加班，好彩老友突登來到等我收工，可以一齊過海，去到天后周圍搵食想歎啡，但又冇一間合心水嘅，最後都係返來上年去過的blissHive，又係食生日Tea仲可以坐返同一個位，呁都唔錯嘅！
揀了又揀，1535落單，等到1550先齊，但只有咖啡即沖調，其他食品都只係翻熱，記得上次都係好慢，原來都係同一個店員，又係落完單就冇左件事，又係要沖咖啡的提點....。
真的希望下次再來，呢個店員會醒Ｄ用心Ｄ啦。
等了又等，又搞完一輪影下相留個念，終於歎得，這天天氣微涼，外面太陽西斜照在我面上，係好曬，但好舒服；這裡雖然食物選擇不多，坐又唔係特別好坐，但就是勝在夠寧靜。
 
我們２人點了：
① 咖啡朱古力雪包 ($15) 
② 竹炭檸檬包 ($15)
③ 橙朱古力蛋糕 Orange Chocolate Cake ($34)
④ 麵包布甸 Bread Pudding with Vanailla Honey Sauce ($32)
(繼續閱讀...)
文章標籤
blissHive 生日

hoie 發表在 痞客邦 留言(0) 人氣()

▲top

秋の梨に恋心 - 秋の梨卷 ($18)

白雪雪的蛋糕好軟綿，包著梨肉粒都幾清甜，慕絲也幼滑，都幾好食。
試多款東海堂蛋糕  
 
 
 
秋の梨に恋心 - 秋の梨蜜糖吉士撻 ($18)
一見呢個撻就覺得幾靚仔，牛油撻皮算香脆內含蜜糖吉士又唔會好甜，裡面一層蛋糕軟熟，外層洋梨片本清甜，正！
試多款東海堂蛋糕141001 秋の梨蜜糖吉士撻 2  

(繼續閱讀...)

hoie 發表在 痞客邦 留言(0) 人氣()

▲top

記得我第一次食「一蘭」係2004年自己係日本食嘅，當年還會食拉麵嘅我，真係覺得好好食，通常第一次食的味道係特別印象深刻。

其實04年後我都去過好幾次日本，不過果時自己對食的喜惡已經有大大轉變，所以就一直冇再食第２次，估唔到第２次食已經係10年後的香港食。
 
係香港落戶的「一蘭」係香港2013年7月11日開幕，當時大排長龍真的不敢惠顧，直到一年半後見銅鑼灣店變身擁有超過90個座位，知道多咗位，應該唔使再大排長龍，所以決定去試下。
 
第一次來到，無論係招牌、門面以及裡面所有裝修、獨立座位間隔，都同日本一樣，即刻好懷念去日本旅行喔....。
呢日我地６點正去到，冇人排隊，裡面客人應該半滿，同日本一樣，客人必需點最低消費為$89的豚骨拉麵，並在餐紙點選湯之濃度、油膩度、辣度、麵的硬度、加麵底、醬汁、甜品及飲品等等；填好後，最後按鈴通知服務生落單即可。
 
短短五分鐘，一碗拉麵由服務生呈上，真係感覺好日本，就算碗拉麵好唔好食都覺得係日本。 
第一次來香港《一蘭ラーメン》141130-02  
(繼續閱讀...)
文章標籤
一蘭 香港 ラーメン 拉麵

hoie 發表在 痞客邦 留言(0) 人氣()

▲top
«123 456