栗子蛋糕 Chestnut Loaf Cake ($21)
蛋糕實的的冇栗子味，雖然蛋糕裡有細小粒粒栗子，但都係食唔出有栗子味嘅！
紅絲絨碎朱古力鬆餅 Red Velvet & Chocolate Chips Muffin ($18)
其實一直都唔知紅絲絨代表乜？有人用紅菜頭做，也有用紅色素的，呢個鬆餅就真係只有朱古力味，面層有片白白黃黃的物體又好甜，但唔知係咩來？紅絲絨即係紅色素吧，只係一個紅色普通朱古力鬆餅。
目前分類：咖啡／食食食 (109)
- Mar 17 Thu 2016 16:01
Starbucks 2016 新の食，幾好！
- Mar 03 Thu 2016 14:49
The Mark of a Masterpiece 品味完美藝術印記
品味完美藝術印記
濃烤焦糖咖啡 Burnt Caramel Macchiato（$34/ $38/ $41/ $44）
特別以充滿烘烤風味的焦糖糖漿製作而成，平衡了整體的甜膩感。再加入新鮮蒸煮牛奶及特濃咖啡，並利用醇厚濃郁的濃烤焦糖醬在綿滑的奶泡上勾畫出優美的網紋印記作結，每一口也散發著令人怦然心動的初春甜蜜滋味。
朱古力榛子咖啡 Chocolate Hazelnut Macchiato（$34/ $38/ $41/ $44）
甘醇的朱古力與榛子湊成令人難以抗拒的滋味組合。再融合新鮮蒸煮牛奶及特濃咖啡，最後在綿滑豐盈的奶泡上以朱古力榛子醬畫上網紋印記。在這春意盎然的季節中細意品嚐全新的朱古力榛子咖啡，感受絲絲入扣的甜香風味。
綠星級及金星級會員推廣手調飲品免費升級
於2月24至3月1日期間，憑已達綠星級或金星級會籍之星巴克卡購買中杯裝或以上之濃烤焦糖咖啡及朱古力榛子咖啡，可享免費升級優惠。
- Feb 25 Thu 2016 14:57
幾款撻都唔錯《東海堂》
芒果吉士撻 ($18)
吉士撻系列已經出左好耐，可以話係長期都有，證明都有質素先可以出咁耐。
呢個芒果撻用左呂宋芒，酸酸甜甜份量足，好食；牛油撻皮有一層薄薄朱古力，加上海綿蛋糕，中間就係吉士忌廉；
撻皮極鬆脆，仲好易碎添，海綿蛋糕普普通通，吉士忌廉好軟滑，幾好食。
藍莓吉士撻 ($18)
另一款吉士撻，同芒果一樣嘅，有大量藍莓果醬同數粒藍莓，酸酸的，都算好食。
- Feb 18 Thu 2016 15:35
家樂坊Starbucks Reserve™ Coffee Experience Bar
重開嘅家樂坊Starbucks佔地超過四千五百呎，有獨一無二的Starbucks Reserve™ Coffee Experience Bar，其獨有的咖啡用具及隨行杯突顯創新的星巴克，有訓練過的店員即場為你沖製咖啡，體驗更多不同手調咖啡。
呢到有３種冲調方法，包括價錢最高的虹吸、手冲及咖啡濾壓壺，同時有４款咖啡豆供選擇，店舖員講每隔一段時間轉咖啡豆的，揀左用邊隻咖啡豆再揀冲調方法落單，每種咖啡豆加不同冲調方法都係不同價錢嘅。
呢晚我地都揀左酸度同樣最少的豆，用最貴的虹吸法，見到店員即場量豆，磨豆再冲調，仲比我聞吓咖啡豆味，磨完更香，的而且確視覺與味覺都好享受，只係呢到地方太大樓底唔算好高，又揀選落戶係旺角，人自然比其他地方更多也更嘈雜，我去到歎啡１小時，已經再不能忍受嘈雜環境，以幾十蚊想靜靜的歎杯啡，真係唔好再來呢到。
仲有嘅係想食野就去返對住bar位的普通Counter買喇。
- Jan 21 Thu 2016 15:28
首次一家人食日本菜《木屋日之料理》
呢晚我地Book左6點半，我地當然冇遲冇早好準時到達，又估唔到咁早都已經有咁多人食緊，我地一坐低叫媽咪爸爸睇左想食乜先，之後我同哥哥再睇下加Ｄ乜一齊食。
其實店的上菜速度都算幾快，我都有少少嫌咁快做乜，慢慢食都唔得嘅；如果可以將冷熱食品分先後次序上菜好Ｄ。
寶在太難得喇，我地一家人終於可以去食餐日本菜，雖然唔係好好食也唔係最正宗的，不過第一次爸爸媽咪終於肯食日本菜，已經食得好開心。
以下是我地點的：
① 枝豆 ($22)
② 櫻花蝦炸豆腐 ($24)
③ 三文魚頭鍋 ($64)
- Jan 14 Thu 2016 14:19
A Loving Twist on Espresso Treat@Starbucks
讓草莓紅絲絨朱古力咖啡與栗香松露白朱古力咖啡為你的新一年帶來甜蜜驚喜!
If you have an eclectic appetite for confectionery treats, our all-new Strawberry Red Velvet Mocha and Chestnut White Chocolate Truffle would be your must-try for the season!
栗香松露白朱古力咖啡 Chestnut White Chocolate Truffle (S:37、T:$41、G:$44、V:$47)
踏入冬季，星巴克為您送上窩心的栗香驚喜。全新的栗香松露白朱古力咖啡將經典特濃咖啡、新鮮蒸煮牛奶及香醇的栗香白朱古力醬融合於一，造就無可比擬的綿滑口感，最後加上鮮忌廉及一圈圈的栗香醬，定能在寒冬之中為您增添絲絲暖意。
草莓紅絲絨朱古力咖啡 Strawberry Red Velvet Mocha (S:37、T:$41、G:$44、V:$47)
靈感源自大受顧客喜愛的紅絲絨甜點─以香濃的紅絲絨朱古力醬、新鮮蒸煮牛奶及經典特濃咖啡製作而成，最後更覆上風味十足的芝士蛋糕忌廉及灑上大量草莓脆粒作結，令整杯飲品充滿迷人的粉紅色調之餘，每一口也滿載節慶的甜蜜暖意。
- Jan 01 Fri 2016 03:06
同老友食生日飯《Espuma》
呢晚Book左８點，我地早左1945到，店子規定入坐起計食90分鐘，其實我對呢種規定有Ｄ反感，不過朋友生日想食新野所以先來。
雖然我地早左來，不過當過左90鐵鐘，職員只過來問會唔會點甜品，我話唔要喇，就話結賬先，結賬後都可以慢慢食埋其他野，並沒有吹速要埋單收枱，呢樣幾好。
呢晚我地揀野食都揀左15分鐘，我地２人點左以下：
① Golden Freeze Mojito ($38)
② Blue Ocean Mojito ($38)
③ Estrella Beer ($48)
④ 煙三文魚配西班牙蕃茄脆多士 Pan Con Tomate y Smoked Salmon ($68)
⑤ 炸魚柳配厚切薯條 Crispy beer battered fish & thick cut golden chips ($88)
⑥ 黑松露醬意大利芝士菠菜雲吞 Ravioli with cheese and spinach in cream truffle sauce ($88)
Total = $368
- Dec 25 Fri 2015 16:03
唻新都會廣場Starbucks新址
新都會廣場之前進行大裝修，之前去到見到冇左間Starbucks都驚下次去睇舞台劇前冇啡飲添，之後去拜山前見到原來調左間新鋪，一於搵晚去hea吓啦。
呢晚我地去到，其實之前間鋪嘅坐位都唔夠坐，今次呢到更比之前坐位少，只係戶外多左幾張枱，但係室內只剩下幾張同一大張長枱，呢晚我地黃昏去到都要等下先有位，同圍又多人行來行去又嘈。
圓枱又細，如果我地３個人只有一張枱用，３杯野飲已經冇位再可以食野喇，Starbucks可唔可以改善吓坐位問題呢？
還是以為張枱細Ｄ，溫書學生霸枱情況會改善？但已經過左幾年情況依然，學生依然長霸幾張枱，係咪要諗其他方法呢？
真係冇氣。
- Dec 19 Sat 2015 00:58
再來《星座冰室》感覺一樣
記得年前來食過，但已經唔記得係乜野感覺喇，今次佢想食，所以就唻啦！
是晚我地1920到，店裡已經坐夠８成，店員叫我地坐係雪櫃隔離張枱，當我坐下，店員又叫我坐過一個位，因為佢要成日開雪櫃喎，我坐呢個位會阻住佢，咁點解佢又要放張櫈係到呢！
另有一樽菜脯可以落湯食，我都有試下，可惜勁咸之餘又硬又唔爽........。
坐低冇耐好快就諗到食乜喇，呢晚點左以下食物：
① 蕃茄魚蛋米 ($30)
② 蕃茄豬扒通粉 ($38)
- Dec 08 Tue 2015 23:42
試試《Café&Meal MUJI Bakery》
無印良品合和中心店6月1日正式開業，店內除設有Café&Meal MUJI，帶來健康可口的原味料理外，更驚喜是無印在此設立海外首間麵包店！無印開麵包店，自然主打健康味道啦，記者今日就有機會率先帶你預覽一下，充滿無印風的店子裝潢，最重要呢，梗係為你即時試食其主打的麵包，等你開幕日揀定心水目標嘛！立刻同大家介紹番有咩好食推介！
抹茶鬆餅 Matcha Scone ($10)
中間有無印自家製朱古力，Size細小，鬆餅濕潤唔會覺得甜，可是我這個抹茶怪就覺得抹茶味過啖，只嘗到一點點抹茶味。
- Dec 01 Tue 2015 23:41
灣仔抵食車仔麵《新拱照車仔面》
呢晚同老友去灣仔睇舞台劇前搵食，想食粉麵但要平Ｄ嘅，係譚臣道行下見到嘅都較貴，直到見到新拱照出面張餐牌，都算抵食喎，車仔麵都好啦，還惦好耐冇食過，入去啦！
裡面好大坐位竟然擺放得好寬闊，只有幾張大圓枱，成個樓面只見一位睇落較年輕嘅男子落單、上菜一手包辦，動作好快手。
車仔面菜單只有一張單面供選擇，不過已經夠多野揀喇，更是$26有三餸一麵，行來行去最抵呢間，我地好快就點單，食物也好快上枱喇。
下次要再來灣仔搵仔，呢間都可以再來吖~
以下係我地點嘅：
① 三餸一麵： 蘿白、豬肚、牛栢葉配米粉 ($26)
② 三餸一麵： 牛肚、五香肉丁、紅腸配米粉加腩汁 ($26)
- Nov 24 Tue 2015 23:39
Celebrate the holidays with our Christmas beverages
經典聖誕滋味 Sip Something Wonderful
Once in a year, you’ll discover everything joyous in Peppermint Mocha, Gingerbread Latte and Toffee Nut Latte!
11月4號推出3款飲品！Starbucks 於今年聖誕節推出經典飲品以及美食，過一個紅色聖誕！
拖肥果仁鮮奶咖啡 Toffee Nut Latte（T: $42、G: $45、V: $48）
細嚐這杯以馥郁特濃咖啡及香滑拖肥調配、充滿烘烤果仁香的拖肥果仁鮮奶咖啡，為佳節帶來無限暖意。我們將特濃咖啡及焦糖融入頂層的鮮忌廉之中，再於表面灑上拖肥脆糖，為你帶來更歡樂、更圓滿的聖誕咖啡體驗!
聖誕薄荷朱古力咖啡 Peppermint Mocha（T: $42、G: $45、V: $48）
- Nov 17 Tue 2015 18:00
食多幾款《Maison Eric Kayser》麵包
上次去尖沙咀想去呢間店買包，點個見到執左，真係有Ｄ傷心，畢竟我係呢到食過多款包都覺得好食，冇食一排就會有Ｄ掛住，好彩上網見到港島區仲有分店，呢日去開灣仔點都要來試下新包先得！！
呢到嘅迷你包Size絕對統一咁迷你，當然唔抵食架喇，但係好處係可以試吓好唔好食，覺得好食下次就可以買個正常Size，都好嘅。
香草迷你橄欖意式包 ($12)
細細個包已經有青橄欖同黑橄欖係面，橄欖有咸香，好食；意式包裡面煙靱豐香草味，好食。
- Nov 10 Tue 2015 18:00
又來多食幾款新野《Starbucks》
新地市終於開返間新店，雖然要行到去HomeSquare，不過總好過冇，呢間地方夠大，空間感又大，最適合夜晚來hea吓，日間太多人就免喇。
野莓朱古力麵包布丁 Raspberry Chocolate Bread Pudding ($29)
面層有燕麥脆、朱古力粒同野莓，野莓反而比其他材料少，朱古力燕麥脆翻烤過好香脆好食；呢個麵包布丁比之前推出嘅質地乾身，只有底層有奶蛋，不過好甜，濕潤些好Ｄ，今回呢個一般喇..。
- Oct 27 Tue 2015 16:26
真係好濃郁《御前上茶-手作抹茶專賣店》
呢日順路想行吓誠品，當到４點時有廣播話有100枝雪糕派發，叫有興趣嘅可以去拎，我地本身係３樓，本來都冇諗住去食，不過到1610落到２樓，見好似未派哂，咪即管去拎張No.囉，點知到我地已經係第98, 99位喇，真係緊緊有得食，雖然我唔鍾意食雪糕，不過係我最愛嘅抹茶，一枝都要$32，我呢ＤCheap精緊係要試吓啦~ 唔試就笨！
抹茶霜淇淋•筒 ($32)
抹茶味好濃，抹茶本身嘅啖啖苦味啱啱好，甜筒厚身而且好脆，好味，雖然細枝，不過覺得已經比坊間日本果Ｄ平。
焙茶霜淇淋•筒 ($32)
第一次食焙茶味雪糕，呢個焙茶味同抹茶同樣咁濃，唔甜且有茶嘅苦味，雪糕又滑，好味！！
不過唔知點解相同嘅價錢，焙茶呢款比抹茶細小嘅呢？
- Oct 20 Tue 2015 18:09
《東海堂》５款小甜品
蜜瓜の漩渦 (蜜瓜卷) (Melon roll cake) ($18)
綠色的海綿蛋糕好鬆軟，以為會好有蜜瓜味，原來係冇蜜瓜味嘅，有少少失望；中間卷住厚厚忌廉好滑，再加埋蜜瓜果肉粒，好清甜！
- Oct 06 Tue 2015 14:47
Classic drinksmade brand-new@Starbucks
全新推出的雙重黑白朱古力咖啡與載譽回歸的法式雲呢拿鮮奶咖啡將為大家的經典最愛帶來另一番風味!
The all-new Dark & White Cocoa Mocha and French Vanilla Latte will amaze you with some surprising twists of your classic favorites!
雙重黑白朱古力咖啡 Dark & White Cocoa Mocha（中杯售價$40，大杯$43、特大$46）
黑朱古力的甘濃風味與白朱古力的細膩甜香完美融和，加入醇厚的星巴克特濃咖啡和新鮮蒸煮的牛奶後，於表面覆上細滑的朱古力忌廉、朱古力醬並灑上可可粉作結，每一口都是極致的朱古力享受，洋溢甜蜜的初秋暖意。
法式雲呢拿鮮奶咖啡 French Vanilla Latte（中杯售價$40，大杯$43、特大$46）
來自星巴克經典飲品雲呢拿鮮奶咖啡的華麗變奏–法式雲呢拿鮮奶咖啡以新鮮蒸煮的牛奶及帶烘烤風味的特濃咖啡作基底，加入法式雲呢拿醬調配，優雅展現真正雲呢拿原豆獨有的香甜濃郁。覆在頂層的鮮忌廉更灑滿雲呢拿籽及朱古力醬，讓你盡情享受當中的柔滑滋味!
- Sep 29 Tue 2015 11:06
多士好咗Ｄ，其他平返Ｄ就好@Starbucks
雞肉凱撒沙律 Chicken Caesar Salad ($42)
先看看相片裡的成份就知有什麼材料啦~ 盒沙律睇落好大盒，但其實份量唔算多，略嫌貴了點；
打開只有數片雞肉，算幾嫩滑；車厘茄得２粒，雜菜都幾新鮮，尤其羽衣甘藍最好食，最慘係麵包粒腍哂又冇味！
蜂蜜脆糖朱古力咖啡星冰樂 Honeycomb Crunch Mocha Frappuccino® blended beverage (G$44)
朱古力味濃好甜冇哂咖啡味，頂層有粒粒蜂蜜脆脆，真係幾脆仲好甜添，飲完好膩！
- Sep 22 Tue 2015 15:14
第２次來唻《Captain糖》
記得第一次唻係同幾個老友食完飯後想食甜品，行下行下而揀到呢間嘅，其實主因為想去果Ｄ都大排長龍，好彩行到過來呢到啱啱有張６人位坐，如果唔係都冇得食。
今次就係睇完戲想搵Ｄ野食，所以10點就來到，又係啱啱好有張枱有位，去啦。
我本身係鍾意食涼粉嘅，其實記憶中上次來食好似一般，今次來真係唔記得左好唔好食喇，不過都係揀返普通甜品吧！
呢晚我地２個就揀左：
① 日本抹茶雪花冰 ($47)
② 紅豆黑涼粉 ($27)
Total = $74
- Sep 15 Tue 2015 12:35
陪老友來《Mr. Potato Head Cafe》
呢間薯蛋頭Cafe係2015年7月4日正式開幕，仲要一開就係屯門同尖沙咀２間店，講真呢，我就唔係鍾意呢隻野嘅，仲覺得怪怪地添，開頭都以為係香港開Cafe有冇人幫襯架？全球首間薯蛋頭Café喎，但鋪租咁貴捱到嗎！？
哈~ 又真係估佢唔到的確有好多Fans喎，係薯蛋頭Cafe隔離黐住Beard papa's嘅。
呢晚我就陪老友唻啦，搭正６點來到，本來我係知要等位寧願唔食嘅人，不過見老友好想食，我先陪佢等吓啦，好彩我地早一步係門口等，真係遲一分鐘人龍都差好遠喇。
我地咁早去到都要等20分鐘先有位，入到去原來地方都唔算好大，位與位之間都幾窄吓。
坐定定，望望下，原來有幾款不同嘅薯蛋頭毛公仔供抱抱影相喎，老友當然唔會放過呢個機會啦，我雖然唔鍾意佢都要循例影吓相，到此一遊咁~ 哈哈！
見到menu只係一張紙，食物連飲品甜品同在一版裡，睇落真係冇乜野揀咁噃，我一睇就只有熱香餅啱食，老友最後都揀左漢堡食。
其實呢，以呢種卡通噱頭來做生意，食完呢餐，如果唔係老友請，真係唔會來食，一來價格略高外，份量又少，味道又只屬普通，沒有特別好與唔好，可以捱得住嗎？
