close
新都會廣場之前進行大裝修，之前去到見到冇左間Starbucks都驚下次去睇舞台劇前冇啡飲添，之後去拜山前見到原來調左間新鋪，一於搵晚去hea吓啦。
呢晚我地去到，其實之前間鋪嘅坐位都唔夠坐，今次呢到更比之前坐位少，只係戶外多左幾張枱，但係室內只剩下幾張同一大張長枱，呢晚我地黃昏去到都要等下先有位，同圍又多人行來行去又嘈。
圓枱又細，如果我地３個人只有一張枱用，３杯野飲已經冇位再可以食野喇，Starbucks可唔可以改善吓坐位問題呢？
還是以為張枱細Ｄ，溫書學生霸枱情況會改善？但已經過左幾年情況依然，學生依然長霸幾張枱，係咪要諗其他方法呢？
真係冇氣。
質地好濕潤，朱古力味好濃郁，面層朱古力粉帶微苦，可以中和朱古力Mousse的甜，幾好幾好！
蘇門答臘咖啡蛋糕 Sumatra Cake ($33)
食唔出有咖啡味，只有朱古力味，不過蛋糕有分幾層不同口感，其實都算幾好食嘅。
我諗飲返蘇門答臘咖啡會好味Ｄ。
聖誕車厘子批 Xmas Cherry Pie ($26)
呢個批都幾大，面層有塊酥皮厚身脆口，但批皮不夠香脆；批內有滿滿的大顆車厘子果醬酸酸甜甜，但食唔到介結中說及的吉士醬，食到一半已經覺得好膩。
聖誕紅莓蛋糕 Xmas Cranberry Loaf Cake ($21)
嚨款係往年聖誕節已經出過，今次再試吓覺得比以前好左，頂層有少少甜的白朱力和小紅莓乾，蛋糕中也有大量紅莓，質地濕潤得來又扎實唔乾，幾好食。
香酥肉卷 Sausage Roll ($21)
翻熱Ｄ來到都幾香，酥皮香口，碎豬肉幾扎實，味道都ＯＫ，唔乾嘅。
原味薑餅人 Classic Gingerbread Man ($17)
相信原味係指牛油味啩，薑餅人應該係個名冇薑味嘅，但可惜呢件薑餅人牛油味啖，質地煙韌，一件扁嘅粉糰而已。
- - - - - - - - - - - - - - - - - - - -
星巴克咖啡 Starbucks Coffee
地 址：葵芳興芳路223號新都會廣場2樓219號舖
營業時間：星期一至六: 07:00-23:00、星期日及公眾假期: 09：00-22:00
電 話：2885 3031
全站熱搜
留言列表
