第一次上The Wave有好野噃 @ hoie的部落格

因為又有同事生日，所以又要上網搵食，搵到The Wave未去過，原來呢到有好多食店，睇食評唔錯就揀呢到。

我地一行4個人來到，比左最入嘅位我地，本來都驚會好嘈 (觀塘去邊食都好嘈下)，估唔到當時已爆場咁滯，都可以靜靜的傾到偈，唔錯。
呢到有樣好係Semi Lunch Buffet係個餐包哂自助沙律吧，我只食素的可以只叫A餐，其實已經好夠食。

① A餐：自助沙律吧+甜品餐($88)
② B餐：自助沙律吧+鮮茄汁煙火腿露荀意大利麵($98) x 3

Total = $382

自助沙律吧都幾豐富，有凱撒沙律、車里茄、青瓜、紅腸、魚蛋、長通粉沙律、紅菜頭沙律、薯仔沙律、粟米沙律、鮮果啫喱、朱古力冬甩、德國芝士蛋糕、朱古力蛋糕、2款湯同幾款炸物，單食呢D野已經夠飽，味道都唔差，我就覺得紅菜頭沙律最好食。

《鮮茄汁煙火腿露荀意大利麵》見到隻碟咁大，中間份量好似好少咁，原來都唔少，煙火腿好食露荀鮮嫩，意大利粉硬度剛好，好食嘅。

咖啡來到唔酸濃度唔錯，都幾好飲。

總括來講，呢到真係可以再來，起碼唔嘈已經好好。