呢晚特地來韓燒，係為左同２個老友慶祝生日，搵到呢間係因為之前係樓上打邊爐，不如下次去韓燒唔好又打邊爐喇，所以咪來呢到囉....未試過呢間嘛。

是晚Book左 1915，任點任食每位 $179，限時２小時，我地上到去都仲有位唔使等，坐耐Ｄ已經開始有人等位，相信就算Book左位都未必會有位添，好彩呢晚我地早食啫。
坐低就見到張點菜紙，原來真係"任點任食"，一張紙仔搞惦，我地一人５人點左２輪都已經冇乜野好再點....睇落好似好多野食揀，其實真係唔太多，飲品要另外叫也需加一收費。
 
同２老友慶祝生日《東大門韓國料理》140705-02140705-03  
 
我最鍾意食泡菜，可惜呢間韓燒冇乜，前菜係多，但唔夠韓國囉.....
青瓜﹣微酸幾爽但唔夠凍。
粉絲﹣唔係韓國粗身果款，係彈牙嘅，但比較油
大豆芽及芽菜仔﹣雖然２款都冇乜味但好爽口，夠清新囉。
(繼續閱讀...)
文章標籤
東大門韓國料理 朋友 生日

hoie 發表在 痞客邦 留言(0) 人氣()

▲top
旺角人來人往，Starbucks應該早就開多 1~2間分店啦，因為位於洗衣街漸２層的分店，好早就會被學生霸佔哂Ｄ位，真係睇見Ｄ學生放哂Ｄ書簿係枱又唔幫襯，又Ｄ更走左去唔知去邊好耐先返來，真係想掉哂Ｄ書！
Café 唔係歎嘅地方來架咩？要讀書好心去自修室啦！
呢日中午我又去到洗衣街Starbcuks，已經有好多人，差唔多大半客人都係學生添，行左２個圈先搵到位，坐低放低個袋即刻去買啡先，食物就諗住等埋男友先買囉，就係職員找錢比我時，比多張寫住『快來銀行中心星巴克分店，享受獨一無二的咖啡體驗』我，同我講銀行中心開左新分店，拎住呢張紙去買任何中杯裝或以上手調飲品，可享免費升級喎，每次Starbucks開分店都會咁做嘅，今次終於到旺角啦。
就係我買完坐埋位等男友時，佢話行緊過來，我咪叫佢不如上去銀行中心分店視察下多唔多人，唔多人我就過去搵佢....結果咪快步離開洗衣街囉~ 呵。
 
由開店至今已開業２個月，開放式格局幾舒適嘅，惜坐位真係唔算好多，一大張長梳化前有一張張小圓枱，其實坐埋去都幾迫，不過近店外都有幾張矮枱，啱２人唔搭枱人士喇。
呢日我地就揀２人座，雖然張枱過矮，但都好過坐入去迫吧。暫時銀行中心分店好處係未算有太多人，相比其他分店算是靜的了，希望能維持Café一貫舒適環境啦。
Starbucks旺角新分店@銀行中心140608-02140608-03140608-04   
 
草莓士干餅 Strawberry Scone ($17)
(繼續閱讀...)
文章標籤
Starbucks 旺角 星巴克

hoie 發表在 痞客邦 留言(0) 人氣()

▲top
終於都等到同Miss老友聚會喇，一年得一次見面真係會特別期待同珍惜嘅！！！
因為上年去意粉屋Lunch，所以今次就揀呢到食個下午茶啦，果然下午茶真的比Lunch Set平又多款得多，輕食加杯飲品慢慢傾真係幾好，雖然就咁睇佢Ｄ餐都唔平仲頗貴添，不過套餐係包一杯無限次添飲飲品噃，同埋呢到服務都幾有禮貌，見各職員行來行去執頭執尾，但你叫佢拎乜都好樂意，冇面色衰語氣嘅，訓練有數，Good！
不過最正嘅係老友有會員咭，埋單免加一服務費，即係有９折啦，即時覺得抵食左！！
 
呢日我好準時1430去到，好彩老友先的到等位，Miss係1445都到喇，等到1450終於有位喇，雖然裡面嘈Ｄ，不過位置同坐位都唔錯，一Ｄ都唔覺迫。
原來Miss同阿Sir食左Lunch，又話飲水得咯，所以我地就叫２個餐３人食啦，佢都只係食一件三文治咋。
其實都有幾多套餐選擇，我又有選擇困難症嘅，最後都要Miss同我分析完就幫我揀左三式拼盤喇....^^"
 
(繼續閱讀...)

hoie 發表在 痞客邦 留言(0) 人氣()

▲top
記得有次係中環行過去灣仔睇玩具時，咁啱經過修頓球場後面，大門正正位於大廈角落頭，店外有張小枱，一眼望入去好多人，見到好多麵包甜品，就係咁令我一直想去試試喇。
呢晚我同佢收工來到已經1950，好多人，好不容易才坐在高枱上，店裏的麵包位、沙律吧、甜點櫃及開放式廚房都佔了大部份空間，以致店內坐位不多，大多都係要搭枱位，只有3張２人枱而已，想撐枱腳嘅就唔使旨意啦。
可幸的是雖然人多，但顧客說話聲浪不大，唔會覺好嘈。
 
食物方面，這裏是以酥皮、麵包及甜品為主打嘅Café，也提供幾款簡單輕食如沙律、三文治、意粉及pizza。
坐在高木枱上可清楚睇到櫥窗內的沙律大概有５~６款，分兩種size發售，大Size $60，可選4款口味共400g的沙律；細 Size $42，可選３款口味共250g的沙律。
呢到與普通Cafe一樣自己搵位自己買野，不設服務及加一，買完野，在旁邊有一小撮地方擺放刀㕚、紙巾，調味粉任君取用。
(繼續閱讀...)
文章標籤
Passion Coffee Gerard Dubois

hoie 發表在 痞客邦 留言(0) 人氣()

▲top
今年夏天真是熱得交關，睇報導更指今年７月係有史以耐錄得最熱嘅７月.....出街好快已汗流浹背喇！
夏季尾季，Starbucks又有新Frappuccino推出，更係日本Starbucks隱藏餐單上的「Tiramisu Frappuccino」，不過香港就係季節限定的啦，即是可能過左夏天就冇咯，雖然我唔飲Frappuccino的，不過呢個就令我有Ｄ興趣喇。
 
 
 
意大利芝士餅星冰樂®（中：HK$41、大：HK$44、特大：HK$47）
這杯透心涼的全新星冰樂®將會為美味的經典甜品重新定義 – 加入了咖啡星冰樂®與曲奇脆粒製作的意大利芝士餅星冰樂®具備傳統意大利芝士餅的醇厚咖啡香及多重口感，覆滿軟滑芝士鮮忌廉及意大利芝士餅醬的面層更灑上可可粉作裝飾，創新地演繹了香甜濃郁、令人難以忘懷的意式風味。
 
香蕉野莓星冰樂®（大：HK$44、特大：HK$47）
香蕉野莓星冰樂®選取新鮮香蕉與牛奶調製而成，再加入清甜淡雅的野莓黑加侖子汁混合至完美，令整體口感豐軟綿滑。香蕉的甜香與清新的莓香相互調和，造就複雜而平衡的味道層次，是精彩盛夏的最佳點綴!
(繼續閱讀...)
文章標籤
starbucks Summer

hoie 發表在 痞客邦 留言(0) 人氣()

▲top
自從幾年前去過韓國後，就越來越鍾意食韓國野，反而唔係因韓劇而鍾意喎，因為我都唔睇韓劇嘅，更唔知Ｋ-POP興乜，總之就係愛泡菜係啦。
呢間《漢城美食》係香港有４間分店，２間在尖沙咀，另外就是佐敦及旺角，揀去旺角全因近去又一城睇戲而已，冇乜特別原因的。
呢晚只是７點，坐位已坐得滿滿了，剛巧有人埋單，我地先唔使等位就入得去坐，坐下後只有２位韓藉waitress在留面，放低Menu後就離開。
店裡裝修以簡約帶點家庭的Feel的，都幾舒服，其他客人傾偈又唔大聲，太好喇。
打開一個大大的餐牌，Design感十足，字體大大小小的分佈，其實倒是有點難睇的 ^^""..餐共有43款，以中英韓文且全有圖供參巧，包唔會叫錯喇吧！
呢到冇酒精飲品供應，有幾款韓國飲品如薏米水、蘆薈汁及梨汁等。
 
點菜之後，店員會為客人附上泡菜兩碟，相信係有幾多人就附上幾多碟，呢晚我地２個人所以就有２小碟喇。
 
食完整餐後，整體而言，以加一而唔多見有乜務服務來講，但waitress禮貌幾好，而價錢與食物質素都成正比，好食又飽肚，有機會可再試試其他野食啫！
(繼續閱讀...)

hoie 發表在 痞客邦 留言(0) 人氣()

▲top

終於來到係美國加利福尼亞州洛杉磯市嘅The Coffee Bean & Tea Leaf，呢個品牌係1963年已經營業，比我最愛嘅Starbucks要早8年開添。

原來呢間Coffee Bean係全球分店已達 900間，係上年先唻香港開分店，仲揀咗係銅鑼灣地鋪(貴租喎)，都幾開揚，以磚牆和木桌子，簡約型格，可惜位子不多，枱也很細。
再係大半年後，係旺角雅蘭中心開第２間分店添，估唔到會揀旺角而唔係尖沙咀噃。
 
呢晚我地揀去銅鑼灣，因為想去第一間嘛，飲品就好多，食方面就沒太多選擇，就只有幾款包及甜品，十隻手指數得哂。
當你買完餐點，佢會比個感應器你，當感應器震動，就可以去吧枱拎取餐點喇，呢方面的確幾好，唔好似Starbucks或Pacific咁一堆人係哂吧枱出面等拎野，就係呢舊野，經我思前想後，方記得原來係2009年去韓國時幫襯過喎！！！　哈~~
 
慢慢食完，其實整體係ＯＫ嘅，如果價錢可以減返少許，會覺得值Ｄ。
來自美國的《The Coffee Bean & Tea Leaf 香啡繽》  
 
是日餐點：
(繼續閱讀...)

hoie 發表在 痞客邦 留言(0) 人氣()

▲top
今晚因為要特地來呢到睇戲，都唔知去邊到開餐好？我倆突然記得去過沙田宜家食Dinner，都可以試下Mega Box呢間喎，本來都怕會冇位又要好似去沙田咁有排等嘅，結果原來Mega Box分店的餐廳地方大好多喎，今次唔使等位之餘更有位比我地揀添。
食品款式與沙田同樣有很多選擇，呢到更有小麵包及生果揀，不過如想買甜品就要兜返出去咖啡甜品部買，不過呢個設計都好，因為只想食甜品飲咖啡嘅話就唔使入餐廳同人迫喇。
呢晚我地睇戲前有大把時間，所以都叫咗好多野食可以慢慢嘆吖~
① 瑞典凍蝦盤 ($23)
② 羊架配薯蓉 ($46)
③ 蟲草花無骨豬飯 ($28）
④ 竹笙雪耳羹 ($13)
⑤ 希靈魚薯仔沙律 ($19)
⑥ 蕃茄沙律 ($9)
⑦ 合桃批 ($14)
(繼續閱讀...)
文章標籤
宜家家居餐廳 Mega Box

hoie 發表在 痞客邦 留言(0) 人氣()

▲top
１個多月前得知文化博物館會有宮崎駿手稿展睇，真係好開心，雖然唔我唔識畫畫，但真係好鍾意睇卡通漫畫，尤其係宮崎駿作品，真係跟住佢成長。
呢個展覽展出超過1300件吉卜力工作室動畫電影作品的原創場面設計手稿，全都是動畫創作的藍本，想知一套動畫如何作成，呢個展覽一定能解答更必睇。
係展版上有中文睇到大師創作意念、人物、顏色分佈、動態、位置嘅構思解說，一邊睇手稿，腦海好自然會想起動畫畫面，真係好正！
 
知道有呢個展覽，都知一定會好多人排隊，試過星期六晏晝收工搭巴士想去啦，點知巴士行經已經見到大排長長長龍，排到入到去都太多人了吧，點睇呀！？
所以我呢日早Ｄ出門，係1145去到還未有人排隊，雖然都係好多人，不過唔使排隊等入場已經好好啦，只是在地下有個影相區就要等起碼１小時喇，咁我呢Ｄ最憎排隊嘅人，寧願睇淨睇手稿展就算啦，唔影擺就囉！
睇完手稿展，更可以上多層睇埋李小龍展，呢日雖然落大雨，但真係過得幾開心！！ 
 
吉卜力工作室場面設計手稿展‧高畑勲與宮崎駿動畫的秘密
140701-2
(繼續閱讀...)
文章標籤
吉卜力 手稿展 宮崎駿 香港文化博物館

hoie 發表在 痞客邦 留言(0) 人氣()

  • 個人分類：記
▲top
大大話話我係呢間公司都做咗１３年，來到第１４個年頭，繼上年老闆突破地揀左去食西餐做團年飯後，今年再次唔揀去酒家做年，去左隔離街嘅＜阿鴻小吃＞，原來好多同事都唔知呢間係米豬蓮食店，好多人都嫌棄佢，不過又係嘅，話哂都叫做"團年飯"，去一間叫做"小吃"嘅地方食，唔識嘅難免會有微言。更何況原來同事們都比較傳統，覺得團年飯應該要去酒家食中菜呢~~ 可能因為有得收早去打牌，食飯時又可以玩啤牌啦。
我就冇所謂，唔揀中菜我就更更更開心添，因為我都唔鍾意食中菜嘅，所以上年老闆揀去食西餐我都不知幾開心！！
 
呢晚我地６３０收工，慢慢行到過去都只係幾分鐘路程，記得呢間開鋪時，佢地果Ｄ咭片、邀請咭都係我地印嘅，但都係第一次入去，原來都幾大，行到最入，原來有房喎，初時我還怕會好嘈添，好彩有房，裡面剛好可放２圍，可惜嘅係一方係大圓枱，另一邊係長枱囉，我當然揀大圓枱啦，食野夾餸傾偈都方便Ｄ嘛。
 
入到場，等齊人前當然係開紅酒飲，老闆提供嘅果然係好飲嘅，我都唔知飲左幾多喇..哈哈哈！
有高層同老闆打招呼兼招呼我地喎，好似好熟咁，各職員都好有禮，地方清潔都很唔錯，坐得好舒服。
公司團年飯揀去《阿鴻小吃》140123-02140123-03140123-04  
 
(繼續閱讀...)
文章標籤
阿鴻小吃 公司

hoie 發表在 痞客邦 留言(0) 人氣()

▲top
其實今期係6月11日至7月29日期間有以下２款星冰樂外，都有款香蕉芒果星冰樂係好好飲架，我都有試飲過＜草莓芝士餅星冰樂＞，都幾甜仲頗膩添，愛甜嘅就真係邊試喇，但唔係我會飲嘅野咯，反而＜香蕉芒果星冰樂＞就可以再一試。
 
另外都冇乜新野食推出，只有２款貴價沙律同２款包加一款蛋糕，睇落最想一試嘅都係＜蘋果蛋白忌廉布朗尼＞，主要睇佢個款咁靚仔真係想食喎！
其餘果Ｄ新野食就冇乜興趣lu.....Starbucks Fans都係咁話喇。 
 
不過今年月餅竟然有４款，好耐都冇一次過推出４年，往時都只係得２隻咋，包裝仲要捨棄了紙盒改用了罐盒裝....會更環保還是....？？
 
  
(繼續閱讀...)
文章標籤
Starbucks 星巴克

hoie 發表在 痞客邦 留言(0) 人氣()

▲top
雖然我標題話係６款新食，當然只係對我來講啦，我未食過就當新架喇，另外，以下食品除⑤外，其餘４款都只係於Starbucks Bistro式的分店先有的啦！！
 
 
① 雲尼拿朱古力冬甩 ($17)
唔.....成舊只有眼見頂層果幾條係朱古力外，裡面是沒有朱古力的，白雪雪去雲尼拿面層味道都極淡，裡面有吉士醬，質感煙韌都幾甜。
 
食足５款starbucks新食
 
 
 
(繼續閱讀...)
文章標籤
starbucks 星巴克咖啡 雲尼拿朱古力冬甩 蕃茄芝士脆多 榛子朱古力脆條 香辣蕃茄醬貝殼粉沙律 朱古力鬆餅

hoie 發表在 痞客邦 留言(0) 人氣()

▲top
咁快又到夏天，即係暑假又快到啦，一諗到暑假就覺我條街多人，真係怕怕，不過最怕都係Starbucks就會長期多人喇。
 
每年夏天都係星冰樂®大熱嘅，今期同樣照推出近年大受歡迎的《紅豆抹茶星冰樂》外，新推咗個《三重焦糖脆趣星冰樂》，一聽個名就覺甜，焦糖已經甜甜，仲要三重，真係不敢想像呀！！
 
至於新食物都產品唔多，只有４款含大量牛油成份的酥點及一款蛋糕，本身就唔鍾意食牛角酥，即係已經冇乜新食好揀了，好彩都有件《甘筍蛋糕》好想試試，過往我只係一間cafe食過一次甘筍蛋糕，覺得好鬆軟濕潤又唔太甜都幾好食，今次呢個更加入葡萄乾、果仁碎粒增加口感喎，好似好正，都幾期待架。
55555.....希望下期會推出多Ｄ新食品係我愛架啦，尤其係Rum酒提子麵包布甸呀！

其他產品如咖啡豆都有新增一款，而夏季系列tumblers都有好幾款，以藍白透明為主，睇見都覺清新，靚！
 
(繼續閱讀...)
文章標籤
Starbucks 星巴克 Summer 2014

hoie 發表在 痞客邦 留言(0) 人氣()

▲top
知道大圍有間Cafe都係因為有晚哥哥同我講佢有日Tea Time係大圍high Tea好舒服，問我有冇去過，那時我才知原來又有新cafe開咗。
之後一日我已經去視察吓，睇吓有乜啱飲啱食先敢去試架嘛，當經過去見到門面都幾靚，室外有沙發座位真係似酒館也帶有台灣色彩，在門前有個高架放了Menu，細看之下都有好多食物飲品選擇，不過夜晚食品選擇較少，但當我見到Menu有愛爾蘭咖啡，真係唔使多諗，一定要搵日來試下。
 
就在沒多久後，我就Book２位1930，我準時到達，當晚已經好多人進餐中，雖然多人但都幾靜，環境幾好，樓底好高，２樓有時會有Band表演添；裝潢都幾有特色，石屎灰色的牆身、木製檯椅，四周都見到不同的鐘，氣氛很好。
是晚我朋友在1945才到，諗好點餐後１５分鐘，食物飲品陸續來到，好快已經一枱都係更唔夠位放添，係我地叫得太多野食吖？還是張枱細呢？相信２樣都係啦..XD
我對呢晚食物方面感覺都算ＯＫ，唯獨因想飲愛爾蘭咖啡而來的我，呢晚店員竟然話今日冇呢款飲品，其他的都有喎...真係有點晴天霹靂.....點解咁架！？那只好揀另一款我較少飲嘅咖啡飲啦。
當我地埋單離開後，我地不約而同都覺得如果以食物地區來計嘅話呢到都算貴，如果要以同類「咖啡．酒館」來選擇，當然會去《牧羊少年咖啡．茶．酒館》，食物及飲品都抵食正Ｄ，不過如果要近嘅，呢間《古朴年代》的確係不二之選。
 
是晚我地點選了以下飲食：﹣

① 維也納咖啡 ($34)

(繼續閱讀...)

hoie 發表在 痞客邦 留言(0) 人氣()

▲top
有日lunch行過敬運工業大廈，見到後門大門貼上一大張Poster，我咪走埋去望吓係咩來啦，原來係一張大Menu，當是只有諗，係呢頭２樓開西日餐廳又唔係平？邊個幫襯呀？
結果大半年後，終於到我有機會去試下，其實如果唔係老闆娘去過話ＯＫ，我地幾個同事都未必會揀呢間餐廳同２大人物食生日飯。
 
我打去預約１點，職員把聲好似有Ｄ驚奇點解有人Book位咁，還不斷重覆我講嘅野，語氣都幾搞笑且係有禮貌嘅！
當日我地極之準時到達，踏入店前才知原來呢到咁大，環境的確唔錯，裝潢簡約得來有格調，餐檯餐椅都以木為材料，牆上有黑板都用粉筆把餐單寫在上面，中間放滿圓枱位，近窗位置係長高枱，最埋邊近牆位有幾張大長枱梳化位與長木櫈，樓底算高，雖然人多，但一點都唔覺嘈，唔錯！
 
呢到係有加一嘅，即管看看服務如何，廚房係開放式的，我係幾鍾意開放式廚房可以睇到裡面情況，樓面就只有一個服務員帶位，另外見所有傳菜員都係猛男，仲幾玩得傾得吓，還會簡點介紹食物，態度都幾好！
 
食物方面好有不同選擇，唔同時段都有分別，是以西日crossover，早餐下午茶以西餐為主；Lunch Time就以日式為主，更以 M/F 畫分男／女份量，女士份量少Ｄ價錢也平幾蚊；晚餐也以日式為主；星期六只做 Brunch，星期日休息。
呢餐我地５人各揀選想食的大家Share，慢慢睇揀完野食１５分鐘後先有得食，話本好食其實都唔算，不過食物與價錢都算成正比，雖然有Ｄ有感失望，但服務好已經加分，當然我地係食得幾開心嘅，且看看下次幾時再有機會再來咯！
(繼續閱讀...)

hoie 發表在 痞客邦 留言(0) 人氣()

▲top
田園菠菜鬆餅  Garden Spinach Muffin ($17)
今次呢個比上期推出那個冇菠菜的＜菠菜西蘭花芝士批＞用的材料終於都名符其實喇！
雖然聽個名好似好健康，不過話哂都叫Muffin仲要成個都綠色，外貌都幾嚇人，不過當試過一次後就會覺得同以往starbucks食嘅唔同，嫩綠的色澤來自菠菜同西蘭花，裡面仲有２~３條長長的豆角，雖然菠菜西蘭花味淡，但鬆餅上有一層芝士，必定要加熱將芝士微燶少脆，少少咸更好食，外脆內軟，質感濕潤，以鹹 muffin來講係幾好食。
 
呢期食鬆餅本抵，購買任何手調飲品加$10 就可換購鬆餅一個，呢知優惠的確正，不過只去到４月２２日，以後都有就好喇！
食食Starbucks春の食2014140226-2_田園菠菜鬆餅$17   
 

(繼續閱讀...)

hoie 發表在 痞客邦 留言(0) 人氣()

▲top

 

呢日我地high完Tea又睇完戲，係唔知食乜嘅時間搭MTR去尖咀先再決定搵乜食！

當我一出車後，就醒起The Mira地庫有間日本來開店的Cafe，呢間比係銅鑼灣希慎店名氣低少少，而呢間分店地方又較細，似較重視輕食飲品甜品類別，睇佢裝修風格時尚，每次落去Niko and...行下，都見呢間Cafe客人都幾多，相信應該都食得下吧？食物以fusion日式西餐風格為主，一於同老友來一試啦。
 
當我地19點50分來到，眼見得返２~３張吉枱，我就揀咗最的最角落位，貪其低調Ｄ冇咁當眼吖！
雖然款式唔係好多，但我真係有點選擇困難症，揀好食乜後，因為Menu上冇愛爾蘭咖啡，但我真係好想飲，即管問問Waiter有冇啦，哈~又有喎，不過就唔知幾錢杯咯？！
 
從坐下到點單２０分鐘後，飲品率先上場，之後到飯到粟米片，又是我的沙律最後到，我地慢慢食慢慢飲傾吓偈，食足１小時２０分，雖然店裡人流都幾多，但Waiter也冇半點趕我地埋單舉動，環境幾好唔嘈傾到偈，食物質素都唔錯，服務食物與價錢都算成正比，Good！
 
以下係我地點的菜：﹣
(繼續閱讀...)
文章標籤
WIRED CAFE 生日

hoie 發表在 痞客邦 留言(0) 人氣()

▲top
呢日星期六我下午收工，同老友一齊係觀塘出發去到天后，我地都太少出呢頭，真係要行下搵下間舖係邊，行下行下，見到有棟大廈出門白雪雪的，就在２點正，我就知我地到了！！
上網得知有呢間Bakery+Café已經有興趣，之後收音機DJ又訪問過，我也從Facebook睇得出係用心製作喎，真係想會一會佢，店子果然樓底好高，不過舖面不大，從大門入去左邊只有３張枱，右邊係放麵包賣的，門口也有個高櫈位，我地就是揀了這個自閉位，望出去都幾好景好舒服也很靜。
其實食品款式唔係有好多，三文治、沙律同蛋糕等等，唔食三文治也可係麵包區單買麵包，飲品也不是有好多款式，不過有我最鍾意的Espresso已經足夠咯。
話雖如此，唔多款野食揀都可以令我地揀足１０多分鐘，最後當然老友負責去買野，我坐定定的嘆啡啦。
等齊哂以下食物上枱，我地先慢慢嘆。

① 皇家朱古力蛋糕 Royal Chocolate Cake ($38）

② 南瓜芝士批 Pumpkin Pie ($38)
③ 意式芝士蕃茄多士 Bruschetta ($45)
④ 熱朱古力咖啡 Caffe Mocha(Hot) ($35) 
(繼續閱讀...)
文章標籤
BlissHIVE Lunch 生日 Bakery Cafe

hoie 發表在 痞客邦 留言(0) 人氣()

▲top
等了又等，終於來到《甜品工房》喇！
當每次行經都見到門前一大堆人等位，就算想食，但睇見咁嘅情形都係走把啦，我就最憎等位架喇，要我比錢仲要等，真係寧願唔食。
呢晚我地食完Dinner好飽，見時間尚早，所以就行吓行吓，又唔想返屋企，便想到不如去食甜品咯，佢知我唔知甜品但知我唯獨愛「宇治金時」呢，知道呢間有所以提議吓，......起初我都諗咗陣，真係有排等喎...咁見係自己生日，好啦，等就等啦，真係好想食！！
 
位於厚福街的《甜品工房》，門面有大大個掛住黑底白字招牌、全落地玻璃看透店內、裝璜以摩登且簡潔，看得出甜品至內在都落過心思！
店面地方不大，門口靠左位置係外賣部，有蛋糕、馬卡龍等等；外賣部望入去係半開放式廚房；對住的用餐區擺放好多正正方方桌子及無背椅子，座位與座位好劑迫，唔多好坐，係食完要走果隻。
 
我地 2210來到等，也要等１５分鐘先入座，好彩早一步添，因為之後更多人等。
其實甜品款式唔算太多，分幾種，每種約有３~４款，不過我就當然唔使揀啦，一定係食「宇治金時」，而佢都要諗咗陣先決定要「紫醉之迷」，貪佢有提子冧酒雪糕喔。
 
(繼續閱讀...)
文章標籤
甜品工房 生日 宇治金時

hoie 發表在 痞客邦 留言(0) 人氣()

▲top
呢間已旅遊為主題嘅咖啡店，真真真係想來好耐，由佢第一間位於太子店開到有４間分店，而家先搵啱日子去試吓，如果唔係我生日，相信都幾難會去到咁偏僻嘅地方食(對我唔出城來講(笑))！
 
為何有４間分店，對我最就腳嘅分店唔去偏要來呢間？咪就係可以於平日可以Book位，唔使Walk In囉，呢個真係最重要，因為要我等嘅話，幾好食幾平都唔使旨意我等呀！！
 
呢晚我地Book咗1930點，我地早到了，係1920都有枱比我地，入到去店子唔太大、睇落有點迫、樓底好高，Waiter叫我地上２樓。
相信我都唔使點介紹呢間店嘅來歷，上網輸入「牧羊少年咖啡．茶．酒館」大把有得你睇，所以在此我都唔多講啦，剩係想講吓呢餐飯嘅感覺啫。
在２樓上，眼見大約只有６~７張枱，每張枱都幾大，木櫈大大張更有Cushion墊背，坐得好舒服；Waiter 每人比本Menu我地，都幾殘舊但設計簡潔易明，我就鍾意呢類喇。
原來有好多食物飲品款式選擇，分為：各類咖啡、英式早午餐、開放式三文治及漢堡、意粉及飯、焗飯及其他粉麵、扒餐、沙律、比薩、小食等等，真係睇完再好都要１０分鐘，呢次我地揀了以下５款。
① 熱愛爾蘭咖啡 Irish coffee ($36)
② 西班牙咖啡 Spanish Coffee ($38-25= $13)
③ 蜜汁雞扒櫻桃茄雜菜沙律(香料油醋醬) ($79) 
(繼續閱讀...)
文章標籤
牧羊少年咖啡．茶．酒館 生日 愛爾蘭咖啡 西班牙咖啡 蜜汁雞扒櫻桃茄雜菜沙律 香煎紐西蘭鱈魚柳、龍利柳拼虎蝦

hoie 發表在 痞客邦 留言(0) 人氣()

▲top
«1...567 89