close
雖然我標題話係６款新食，當然只係對我來講啦，我未食過就當新架喇，另外，以下食品除⑤外，其餘４款都只係於Starbucks Bistro式的分店先有的啦！！
① 雲尼拿朱古力冬甩 ($17)
唔.....成舊只有眼見頂層果幾條係朱古力外，裡面是沒有朱古力的，白雪雪去雲尼拿面層味道都極淡，裡面有吉士醬，質感煙韌都幾甜。
② 蕃茄芝士脆多 ($24)
只有四塊薄薄蕃茄片係面，多士內外都有芝士，芝士香口，必須叫店員翻熱烘燶Ｄ，令真正叫脆多，脆脆的邊好食。
③ 榛子朱古力脆條 ($19)
修修長長一條，內外同樣佈滿榛子，中間有滿滿少少甜的朱古力醬，話好脆又唔係，可能因為修長形，所以口感都還可以，最正都係有好多粒粒榛子！
④ 香辣蕃茄醬貝殼粉沙律 ($46)
蕃茄醬佈滿貝殼粉，但Texture偏實，可是蕃茄醬都唔辣嘅，底部有好多新鮮沙律菜及少計黑橄欖，都幾好食。
⑤ 朱古力鬆餅 ($17)
好多朱古力粒粒係面部，Texture極度濕潤，好有朱古力味又唔甜，係幾好食嘅(如果唔怕肥嘅話)..XD
文章標籤
全站熱搜
留言列表
