花畑の木槺芝士蛋糕 ($20)
原來呢件用的芝士係北海道花畑牧場濃烤芝士得過獎，感覺即時升級左。
其實單睇外表已經幾吸引，雖然細細件，但一樣層次分明， 外層呈金黃色,的木槺質感鬆脆， 芝士質感硬身，味道相當的濃郁，只覺有少少膩而已，都好食！
紫薯玄米茶撻 ($20)
呢件用牛油撻底，尚算鬆脆，盛載着一圈一圈沖繩紫薯蓉，不過紫薯味淡，中間有玄米茶牛乳忌廉同朱古力蛋糕，忌廉冇玄米茶味，朱古力蛋糕鬆軟，整體都算ＯＫ嘅。
- Jun 26 Fri 2015 14:40
幾款《東海堂》小甜品都幾好
- Jun 19 Fri 2015 09:09
第一次食《Ebeneezer's Kebabs & Pizzeria》
成日行經尖沙咀都見呢間，本身我又鍾意食Pita，所以次次經過都有想入去食嘅念頭吖！
適逢呢晚去睇演唱會，又唔想食熱辣辣粉麵，係尖咀徘徊之際我地都諗起呢間野，所以就即去啦~
差唔多七點，店子唔大，不過都已經差唔多坐滿，剛好有張枱係近開放式廚房，所以就入去坐低，睇過Menu後，先知道呢間係中東菜/清真認證食品店喎！
餐牌上都有好多款野食揀嘅，烤醃羊肉串、 咖喱、 比薩餅、 Biryanis、 沙拉，魚等等，我當然揀左暴鍾意的卡巴。
佢就走上前去Counter買野食，點知原來堂食係有加一嘅，不過又冇人來招呼，所以的地都以為係要自己買野添~
Anyway，買完坐低等啦，以下係我地點的２款食品：﹣
① 咖哩魚肉炒飯配沙律 Fish Biryani with Salad ($55)
(Basmati Rice cooked with Fish, fresh vegetables and exotic spices)
② 希臘雜菜沙律卡巴 Greek Salad in Pita w/ Fresh Mint ($55)
- Jun 07 Sun 2015 17:38
有D失望又未至於係差之《日和号壽司料理》
呢間餐廳我係報紙或網上都見到每隔一段時間就會有不同主題出現，曾經有我係小忌廉丶足球小將、沖繩島同早前嘅多啦A夢劇場，早係「我係小忌廉」嘅主題已經想去喇，不過就係唔想為佢而走入Mega Box，感覺好遠..，終於有日要到德福睇戲，諗諗下不過行遠少少食返次啦，不過已經係冇主題嘅時候咯。
其實一直只知呢間叫《日和号》，都冇諗過係食乜架，呢晚去到先知係食日本菜，係門口睇過Menu都覺得價錢偏高的，不過佢又話入去食喇，就去試下吧！
為顧客帶來新鮮主題的「日和号壽司料理」，繼動畫「我係小忌廉」丶「 足球小將」、和日本「沖繩島」為餐廳主題後，今次帶來的是全城熱話的 ...
店員帶我地到裡面中間位，感覺太空礦太好光猛，感覺係怪怪的，坐左10分鐘後我地都未諗到食乜，見門口的列車車卡位有人走，還惦未叫野食，我地就過去坐喇。感覺即時好好多，好快都揀到食乜添，Menu都有好多款選擇，另有一個牌係「精選特價推介」，因為感到主菜牌價錢偏高，所以呢日我地係特價推介中點左３款食物，另外叫左罐限時的櫻花啤酒試下啦。
以下係我地２人點的：-
- May 31 Sun 2015 12:02
夏季新食@Starbucks
千層玉桂 Cinnamon Pull Aparts ($19)
買左返來睇樣其實都睇唔出係乜野來？
必開後原來係變種丹麥酥，必須叫店員烘燶Ｄ香Ｄ且呈現金黃色夠鬆脆，內層鬆軟有豐富牛油香，逐層撕下只見玉桂得一層，略嫌唔夠玉桂，而且食完都覺幾膩。
辣肉腸蕃茄芝士餡餅 Pepperoni Caprese Pocket ($23)
成個餡餅只有面頭一塊蕃茄，裡面也有一塊辣肉腸同肉醬，冇芝士味嘅，個包質地算OK啦。
- May 24 Sun 2015 17:13
終一嚐《抹茶館》了....
我係一個超愛抹茶味嘅人，即係就算我唔鍾意食甜味，明知抹茶多數都係會偏向甜品果邊，我都想試試試下...甜就甜啦，只想食到不同抹茶嘅產品，所以呢，本來之前得知荷里活廣場開左間抹茶館已經好想去，不過果個商場真係冇野好行喎，搞到冇動力去囉，於是上年係新城市廣場開左分店，終於可以搵晚去試下啦。
過往行經呢間店都有大量人等位，講真的，真係唔使旨意要我等位，好彩呢晚佢收工去左攞位，仲坐係裡面等左我半個鐘，我先收工入到去，可幸的是當時顧客未算太多，佢又叫左杯飲品等我，所以未至於有人比面色佢睇，因為我們坐的位置係正大門口呢。
好了，當我坐下好快就揀到要乜，先點主食後再點甜品，以下就係我地點的：
① 抹茶沙冰 Maccha Smoothie ($49)
② 香蔥蜆肉拉麵 Clam & Scallion Ramen ($59)
③ 海鮮豬肉泡菜丼 Fried Pork & Seafood With Kimchi Rice Bowl ($79)
④ 抹茶軟雪糕最中 Maccha Soft Serve Ice Cream - filled wafers ($39)
⑤ 天突黑蜜抹茶葛粉條 Brown Sugar Syrup Maccha Kuzukiri ($29)
- May 17 Sun 2015 12:18
BACKSTREET BOYS in A World Like This Tour Live in Hong Kong@Star Hall
其實已經好耐冇係睇Concert時影相(想專心欣賞表演)，就係除左睇湯湯會忍唔住要影外，呢隊都真係忍唔到要影返少少 
- May 10 Sun 2015 12:11
Discover Layers of Fun in Panna Cotta@Starbucks
盡享初夏意式風情 Discover Layers of Fun in Panna Cotta
夏日馥莓意式奶凍星冰樂® Summer Berry Panna Cotta Frappuccino® blended beverage
（中：HK$41、大：HK$44、特大：HK$47）
軟滑的意式奶凍與酸甜的夏日馥莓是經典美味的甜點組合，絲絲果酸平衡濃郁奶香，口感細膩綿密，再於面層覆滿鮮忌廉及馥莓醬，盡享繽紛涼快的夏日意式風情。
特濃朱古力咖啡意式奶凍星冰樂® Dark Mocha Panna Cotta Frappuccino® blended beverage
（中：HK$41、大：HK$44、特大：HK$47）
於甘甜的特濃朱古力咖啡星冰樂®之中加入充滿奶香、口感細滑的意式奶凍，再於表面覆滿鮮忌廉及特濃朱古力粉，打造出黑白相間的濃厚滋味，為精采初夏揭開序幕。
- May 03 Sun 2015 11:48
一行４人去《世華餐廳》食晚飯
呢晚我地４個人去睇演唱會，都唔知食乜好，諗諗下不如去世華係赫德道果間分店食小菜啦，就咁就上左去，其實去到果時都覺得有Ｄ懶野....因為記得上次去另一分店食過係麻麻咋喎。
呢日我地７點已經到喇，我就揀有個雜菌什菜米粉自己食嘅，另外叫一個４人餐食。
其實呢到咁大，但一眼就知人手不足，我地坐果個位仲見到廚房裡面添，冇乜人煮野咁，唔怪之得我地點左野食後要等咁耐啦，尤其梅菜蒸鯇魚要三吹四請先上枱，另外明明４人餐有４個白飯，但佢就比左３碗，例湯更要我地食到最後問係咪有例湯先話係，唔問都冇得飲喇！
唔知係突登還是真係唔記得啦....。
總括來講，呢間服務唔多惦之外，食嘅都一般而已。
① 雜菌什菜金邊粉(轉米粉) ($33)
- Apr 26 Sun 2015 10:27
要試下春季新點@Starbucks
藜麥杏脯鬆餅 Quinoa Apricot Muffin ($18) 
眼見面層有好多藜麥同甜甜的杏脯，烘燶Ｄ藜麥更有咬口，可惜藜麥同杏脯就只限於表面，裡面就只有半粒杏脯，其餘就真係齋鬆餅，雖然鬆餅都好濕潤唔乾，不過說真的真係冇味.....好啖好啖....，係有Ｄ失望嘅！
焗蘋果酥卷 配雲呢拿汁 Apple Strudel with Vanilla Sauce ($29) 
好開心呢個蘋果酥返來呀！同過往一樣咁好食，蘋果唔好過淋有得喉吓，酸酸甜甜的；酥皮好鬆化，加埋面頭杏仁片更脆，另有甜甜的雲呢拿汁，如果怕甜其他唔點汁已經好食，就算食哂成個都唔覺膩。
- Apr 19 Sun 2015 17:54
到K11日式地中海餐廳《GOCHISO》食第二餐生日飯
呢餐男友請食生日飯，但其實唔係正日食架，因為我嘅正日要去睇７點半電影，散場都夜喇，所以都係提早食啦，其實都只係早左３日而已。冇相干啦。
呢間日本・地中海fusion餐廳係我揀嘅，記得上年10月中經過K11見到呢間啱啱開業，眼見環境幾靚，又有Menu放置大門口供參閱，那時我便想一試喇，適逢生日要諗食乜，我便諗到呢到《GOCHISO》，一於試試吧！！
因為一早問過呢到要有某張信用卡先可以Book位，其餘一律要Walk In，好吧，那唯有早點去食，避免等位之苦，呢晚我地７點去到，好彩都有位即入坐，
我們各自睇過Menu，有多款二人套餐，由$412-起，但另收10% Service Charge，好似貴了點，又覺得Set左的菜式唔係我地心水選擇，還是單點好了。
最後我地商量過就揀了以下菜式：﹣
① 西班牙風蔬菜雜燴 Spanish Vegetable Stew ($33)
② 尼斯風松葉蟹肉沙律 Nive-Style Snow Crab Salad ($83)
- Apr 12 Sun 2015 15:00
公司團年飯2014＠尖沙咀凱悅酒店咖啡廳Cafe (Hyatt)
我係呢間公司大大話話都度過了14個年頭，每次都係在公司果帶食飯嘅，超過10次都係在酒家舉行團年飯，係前年第一次食西餐，上年就到米芝蓮的阿鴻小吃食，今年竟然要出到尖沙咀仲要係酒店食自助餐，真係首次.....可能係因為最後一餐食豪Ｄ吧！？
雖說係團年飯，以前係酒家擺２圍都有麻雀打吓嘅，不過呢枝歌仔都好耐冇出現，自助餐18:00至22:00，但我地都係要到６點收工各自先搭車出去。
呢晚我地７點上到去，一眼關七地方其實唔算好大，我地１６人分２張長枱坐，放下袋大家就出去各自攞野食啦，其實真係唔似團年飯，似lunch去食飯咁，各自拎野食傾下偈，好快已經飽哂，仲係９點半就散水添，第一次團年飯冇酒飲，我都係鍾意以前酒家擺圍多Ｄ，氣氛環境都好好多......不過唔會再有呢個機會了。
講完是次飯局心情後，要講講呢間咖啡廳嘅自助餐食物啦！
說真的，我地咁多個人都有同樣感覺：食物款色選擇唔多、質素一般、價錢貴，最多食品選擇竟然係甜品，那我們不如去食甜品Buffet，平好多添。
可能各人對食物都有不同要求，我都明總不能滿足哂所有人，或者對某種食物情有獨中如只食龍蝦就大把你食囉，可惜的是除龍蝦就只有翡翠螺、青口選擇，連生蠔都冇。
除甜品，都有中、印、日、西式你揀，其實都夠食一定飽，只係回唔回到本？咁就要睇自己價值觀點睇咯。
- Apr 05 Sun 2015 12:09
善學友好慈善音樂會 2015-3-25
知道有呢個Show都係係湯湯Facebook見到先知，如果唔係一定唔會留意張Poster啦....
知道有Show後第２日，已經叫老友去買飛捧湯湯場喇，呢晚８點多開Show，司儀出來唱兩咀、主席鳴謝、頒贈支票證書等等，到2030才正式開始演奏、表演。
來呢到主要捧湯湯場，所以其他表演者不用說了，一直等等等....等到湯湯出場已經係2235，真係差不多係壓軸出場，等死人啦！
先唱了《緣份的天空》後講左幾句再唱《感冒》後慢慢想返入後台，我都Ｏ左咀架喇，點解佢會走！？
就係佢走左一半，後台有人話仲有合唱呀！陳有便自己慢慢走出來冇人介紹呢~~ 湯湯就係咁話真係唔記得左仲有合唱，真係撞鬼佢囉...大頭蝦到呢！
陳有唱成點就.....真係唔想再講喇.. 哈哈哈哈！我地聽左半首歌都閃，出去後台大門等湯湯出來嘛！
2250終於見到湯湯，我地其７個Fans同湯湯傾吓影吓相，湯湯仲約我地食飯...好感動呀！！
2305湯湯臨走時更同我地續個面貼面byebye，第一次那麼貼，本親近喔....。
- Mar 29 Sun 2015 10:30
Taste Vibrant Flavors in Full Bloom@Starbucks
讓我們的櫻花隨行杯伴你愉快渡過這個生意盎然的初春
春風吹送，櫻花飛舞，讓徐徐飄落的粉色花瓣為你預告浪漫動人的咖啡時光。
蜜糖雲呢拿咖啡
在花開正盛的季節品嚐全新蜜糖雲呢拿咖啡，細享層層相疊、絲絲入扣的甜香風味。融合特濃咖啡及幼滑牛奶調製，這杯飲品在蜜糖及雲呢拿的馥郁中透露令人陶醉的初春氣息。最後，我們的咖啡調配師會以蜜糖醬畫上網紋印記，確保每一劃、每一勾都是咖啡調配藝術的完美追求。
榛子咖啡
載譽回歸的榛子咖啡以星巴克特濃咖啡配上新鮮蒸煮的牛奶，並由咖啡調配師以富烘烤榛子甜香的榛子醬在綿滑奶泡上勾畫出優美的網紋印記作結，不單散發濃厚的榛果香氣，更細膩地演繹了精練的咖啡調配美學。
綠星級及金星級會員推廣手調飲品免費升級
- Mar 22 Sun 2015 16:16
到美麗華《FIAT Caffè》食第一餐生日飯
終來到汽車主題FIAT Caffe喇，早幾年前係銅鑼灣禮頓道開店時已經想去，但就係覺得太遠，所以遲遲都冇去試吓，直到貴租令銅鑼灣店結業，選址美麗華開旗艦店，地方更闊落(佔地五千呎)，食物款色更多添。
既然老友問我想去邊到食生日飯，諗諗吓想試食咁耐又係尖咀，一於唻呢間啦！
呢晚我地Book左７點準時到達，門口已見到一部閃令令的FIAT，全店以紅黑色調，配以意大利三色國旗作點綴，店內售賣各款Fiat精品，頭盔、T-shirt、手錶、cap帽、模型車，意大利調味料，亦有電視播放賽車片段。
我地坐係走廊位置，店員會送上水及２條麵包條，又時不時見到店員拎坐菜式行來行去，有時會用車送，但比較嘈喇；又見到有開放式廚房及水吧，其實我都幾鍾意睇到廚師炮製食物！
我倆商量食什麼後，最後揀了以下食品：﹣
- Mar 15 Sun 2015 14:37
同公司２大美女去《龍皇酒家》飲生日茶
上次去龍皇飲茶...諗諗下都可能係７~８年以上咯，本來我都唔多記得去過添，都係同事話我知果次又係去食生日Lunch，仲係第一次食那個當年很出名的＜雪山包＞添，我才醒起好似無喎~
還惦去過多次陶源，咁耐冇去龍皇，好啦，一於問問２位壽星好唔好啦，不過都相信一定話好嘅，不出所料喇！
呢日我早２個星期book定位了，我先準時去攞位，其餘４人陸續來到，當我一上到去真係覺得好陌生，就好似未去過一樣，只覺得原來上面咁靚？好似好貴咁喎...感覺比陶源更High (雖然不知陶源實際價位)。
先由壽星揀完再到我地揀，最後揀左10款食物，呢日我地傾開而家好多茶樓廚房都係流水作業，唔係即叫即製，不過我地都覺得呢間龍皇應該係即叫即製嘅，上碟時有Ｄ好靚仔有Ｄ就唔多靚啦，不過總括來講一致都係向好的，除了食品外，呢到比觀塘多間酒家環境靚Ｄ又靜Ｄ添，因為除了食，傾到偈才是最緊要的。
是日我們點了以下食品：
① 龍皇一品炒飯 Fried Rice with Conpoy, Egg White and Olive ($98)
② 鹵水豆腐 Marinated Bean Curd ($33)
- Mar 08 Sun 2015 10:36
Starbucks 聖誕與羊年麵包小點
田園西蘭花蛋批 ($33)
批底好薄，西蘭花茸冇乜調味富西蘭花味唔膩，中間一層厚蕃茄片同頂層的蛋好夾，好食！
聖誕朱古力鬆餅 ($21)
就係一直都有得賣的朱古力鬆餅上加了黑、白朱古力片作鹿做型，黑白朱古力片嘅朱古力味都好淡，冇朱古力味也唔甜，普通。
朱古力鬆餅依舊有濃濃的朱古力味，唔甜，質地濕潤，唔錯。
- Mar 01 Sun 2015 12:42
再來《blissHive bakery Café》食生日Tea
呢日本來以為可以２點去到high tea後睇場戲嘅，點知要加班，好彩老友突登來到等我收工，可以一齊過海，去到天后周圍搵食想歎啡，但又冇一間合心水嘅，最後都係返來上年去過的blissHive，又係食生日Tea仲可以坐返同一個位，呁都唔錯嘅！
揀了又揀，1535落單，等到1550先齊，但只有咖啡即沖調，其他食品都只係翻熱，記得上次都係好慢，原來都係同一個店員，又係落完單就冇左件事，又係要沖咖啡的提點....。
真的希望下次再來，呢個店員會醒Ｄ用心Ｄ啦。
等了又等，又搞完一輪影下相留個念，終於歎得，這天天氣微涼，外面太陽西斜照在我面上，係好曬，但好舒服；這裡雖然食物選擇不多，坐又唔係特別好坐，但就是勝在夠寧靜。
我們２人點了：
① 咖啡朱古力雪包 ($15)
② 竹炭檸檬包 ($15)
③ 橙朱古力蛋糕 Orange Chocolate Cake ($34)
④ 麵包布甸 Bread Pudding with Vanailla Honey Sauce ($32)
- Feb 22 Sun 2015 12:34
試多款東海堂蛋糕
秋の梨に恋心 - 秋の梨卷 ($18)
白雪雪的蛋糕好軟綿，包著梨肉粒都幾清甜，慕絲也幼滑，都幾好食。
秋の梨に恋心 - 秋の梨蜜糖吉士撻 ($18)
一見呢個撻就覺得幾靚仔，牛油撻皮算香脆內含蜜糖吉士又唔會好甜，裡面一層蛋糕軟熟，外層洋梨片本清甜，正！
- Feb 15 Sun 2015 10:25
同好同事去《陶源酒家》食生日晏
過往通常都係公司食飯先會揀陶源飲茶，今次我地幾丁友來陶源都係阿頭揀嘅，主要係佢覺得好食吖，咁係附近來講都算唔錯嘅。
呢日Book咗１點正，我先去攞位，其他人後到，等到齊人先點野食，我相信陶源點心應該即製而唔係機器出吧？
因為每次等食都需要一點點時間，1329先上第一碟點心，若然真係即叫即製，咁要等嘅都ＯＫ呀！
最後上枱的星州炒米都1345喇，食到最尾清哂影埋大合照，２點埋單~~快快返公司啦。
其實呢日同枱有個大肚婆，都有諗過夠唔夠佢食啱唔啱食架？好彩都啱大肚婆口味，食得傾得都幾開懷。
小點 $20, 中點 $27, 大點 $32, 特點 $37, 頂點 $40 茶介每位$10
是日點了：
- Feb 08 Sun 2015 14:43
第一次來香港《一蘭ラーメン》
記得我第一次食「一蘭」係2004年自己係日本食嘅，當年還會食拉麵嘅我，真係覺得好好食，通常第一次食的味道係特別印象深刻。
其實04年後我都去過好幾次日本，不過果時自己對食的喜惡已經有大大轉變，所以就一直冇再食第２次，估唔到第２次食已經係10年後的香港食。
係香港落戶的「一蘭」係香港2013年7月11日開幕，當時大排長龍真的不敢惠顧，直到一年半後見銅鑼灣店變身擁有超過90個座位，知道多咗位，應該唔使再大排長龍，所以決定去試下。
第一次來到，無論係招牌、門面以及裡面所有裝修、獨立座位間隔，都同日本一樣，即刻好懷念去日本旅行喔....。
呢日我地６點正去到，冇人排隊，裡面客人應該半滿，同日本一樣，客人必需點最低消費為$89的豚骨拉麵，並在餐紙點選湯之濃度、油膩度、辣度、麵的硬度、加麵底、醬汁、甜品及飲品等等；填好後，最後按鈴通知服務生落單即可。
短短五分鐘，一碗拉麵由服務生呈上，真係感覺好日本，就算碗拉麵好唔好食都覺得係日本。
