close
我係呢間公司大大話話都度過了14個年頭,每次都係在公司果帶食飯嘅,超過10次都係在酒家舉行團年飯,係前年第一次食西餐,上年就到米芝蓮的阿鴻小吃食,今年竟然要出到尖沙咀仲要係酒店食自助餐,真係首次.....可能係因為最後一餐食豪D吧!?
雖說係團年飯,以前係酒家擺2圍都有麻雀打吓嘅,不過呢枝歌仔都好耐冇出現,自助餐18:00至22:00,但我地都係要到6點收工各自先搭車出去。
呢晚我地7點上到去,一眼關七地方其實唔算好大,我地16人分2張長枱坐,放下袋大家就出去各自攞野食啦,其實真係唔似團年飯,似lunch去食飯咁,各自拎野食傾下偈,好快已經飽哂,仲係9點半就散水添,第一次團年飯冇酒飲,我都係鍾意以前酒家擺圍多D,氣氛環境都好好多......不過唔會再有呢個機會了。
講完是次飯局心情後,要講講呢間咖啡廳嘅自助餐食物啦!
說真的,我地咁多個人都有同樣感覺:食物款色選擇唔多、質素一般、價錢貴,最多食品選擇竟然係甜品,那我們不如去食甜品Buffet,平好多添。
可能各人對食物都有不同要求,我都明總不能滿足哂所有人,或者對某種食物情有獨中如只食龍蝦就大把你食囉,可惜的是除龍蝦就只有翡翠螺、青口選擇,連生蠔都冇。
除甜品,都有中、印、日、西式你揀,其實都夠食一定飽,只係回唔回到本?咁就要睇自己價值觀點睇咯。
Buffet Restaurant | Cafe丨Hyatt Regency Hong Kong Tsim Sha Tsui
地 址:18 Hanoi Road, Tsim Sha Tsui, Kowloon, Hong Kong, China
電 話:3721 7700
時段:晚餐
供應時間:星期一至五:晚上6:00至10:00 星期六、日及公眾假期:晚上6:30至晚上10:00
價錢:星期一至四:成人: $ 578 / 小童: $289
星期五至日、公眾假期及前夕:成人 $638/ 小童 $319
註:所有價目須另加一服務費 ( 以原價計算 );優惠受相關條款及細則約束。詳情請致電查詢
http://hongkong.tsimshatsui.hyatt.com/en/hotel/dining/Cafe.html
留言列表