來呢到一定要預早一個星期打電話去Book枱，如果唔係都唔使旨意有位，唔Book枱Walk in更加唔使旨意添。
呢晚本來Book咗 21點，不過我同男友２人係8點9已到了，其餘友人在途中，咁係可以食足３個鐘，那不如我地先入去攞位食住等啦，因為都凍凍地嘛。
除咗２位男友外，我地幾個女仔都係第一次來，一入到去係 Counter落單比錢後，跟住職員去大枱，佢就叫人幫我地起爐，價錢如下：
自助重慶燒烤 BBQ每位$138 + 開爐費($40/爐) *每爐 2-6人用，限燒三小時。
每人有一罐飲品，之後的汽水要$9、支裝也要$11-$18不等，除有多款蔬菜、丸、雞翼肉類任燒外，也有其他海鮮比錢散叫的；枱上也有七味粉，辣椒豉油同一杯水。
按份量獲得一瓦煲蜆：都唔會想到蜆肉會有多大，夠新鮮已好了，剩下的蜆水更可以煮下菜食添，都幾鮮甜架！
每人一串菠蘿或香蕉：燒菠蘿甜而多汁，真係永遠都咁好食；而燒香蕉一定要燒到皮全黑，員工才會幫你切片再加朱古力醬，原來味道都幾搞笑，又ＯＫ喎。
一包蒜蓉金菇：蒜蓉金菇當然好香蒜蓉味啦。
蔬菜類別太多，如菜心、洋蔥、原個蕃茄、粟米、茄子、辣尖椒、四季豆、蕃薯、鮮冬菇、大京蔥、蒜頭、銀杏、南瓜、翠玉瓜、韭菜....等等
這些雖則普普通通，不過對我食素來講實在太正太啱胃口，尤其燒蒜頭、銀杏、洋蔥和原個蕃茄，加七味粉同燒已經夠汁夠好味，真係食到你唔食。
另外司華力腸、雞全翼、羊架豬扒都入味，雖然入到大美督咁遠，但百幾蚊食到飽飽又可以自己串串燒，同一班朋友聚吓食吓傾吓都幾開心。
食到2315，幾個朋友去攞蛋糕來同我慶祝農曆生日，真係估唔到.....太令我開心又感動~~ 呢餐我仲唔使比錢，太好啦！！
之後我地幾個沙田友搭返火車出去，都未傾完偈，一於去沙角邨食糖水再傾啦，不過我就已經食唔落喇，都係齋傾夠啦，足足傾到凌晨２點幾先走呀，真係冷死~~不過呢晚我的確過得幾開心！！
地址： 香港大埔汀角路龍尾村101號
地址：沙田沙角村熟食中心10號亭
文章標籤
全站熱搜
留言列表
