呢日真係估唔到會來到德福食晏，真係有點失驚無神，都唔知係自己冇諗過？被騙？還是傻吓傻吓..，總之就係無端端有餐晏仔食，不過我都明白點解唔話我知帶我去食，因為如果問我去唔塊食生日飯的話，我一定唔會去啦。
呢日我地２人中午來到，也是我第２次來食，不過上次就係下午茶，今次Lunch就唔同，雖然係中午，不過已經幾滿座噃。
當我地坐下，店員即時放低Set Lunch Menu同介紹今日餐牌，不過Set Lunch冇沙律，所以還是要另叫一個沙律，老頂係咁推介我飲咖啡，佢果然知我係好愛咖啡嘅，最後我地點選以下食物：
① 珍寶凱撒沙律 Jumbo Caesar Salad ($96)
② 哥倫比亞極品咖啡 ($52)
③ (餐) 三文魚龍蝦汁扁意粉 跟百佳咖啡、沙律
率先上枱嘅係跟<餐沙律>及<百佳咖啡>，雖然只係跟餐沙律份量細細，但沙律菜新鮮更有細細三文魚生，跟醋汁同食爽口清甜。
<百佳咖啡>來到時，聞一聞但唔香，我試飲一啖，唔酸比較淡口，呢個係較適合怕苦的人飲呢。
不消一會就到＜三文魚龍蝦汁扁意粉＞出場，當我見到咁多汁時都驚驚地，因為我係幾怕多汁嘅...可是呢個龍蝦汁好濃郁又幾好味喎，扁意粉硬度適中，三文魚與小龍蝦份量差不多，小龍蝦仍帶點鮮味，三文魚少少散但都好食，成百蚊都碟都算值！
之後到我的＜珍寶凱撒沙律＞，又真係幾珍寶，最衰係自己唔記得叫沙律醬另上，最憎就係凱撒沙律的沙律醬.....
多得沙律菜新鮮爽口，除沙律菜，牛油果份量最多質感也不錯，小蝦都新鮮有解蝦味，眼見的雞肉粒似燒肉粒多Ｄ，因為冇乜雞味呢， 煙三文魚同麵包脆粒最正！
最後終於到我的＜哥倫比亞極品咖啡＞，呢到點熱咖啡，店員會係即場係你面前係倒落杯，感覺高級而新鮮~嘿
聞一聞好香，甘而不苦酸味較低，齋飲唔落奶已經好飲，的確幾好。
不過原來Pokka Cafe唔係加一，而係收1.5% Service Charge，呢餐 Lunch 埋單成３百多蚊，我就覺得幾貴，只係呢到勝在店員服務態度真的超好，材料都唔係差，有人請嘅話就真係正喇。
Pokka Cafe
文章標籤
全站熱搜
留言列表
