close
呢晚來到銅鑼灣，在街上行來行去真係諗唔到食乜，之後行入世貿中心就決定一定要係呢到揀間食店食晚飯，唔好再周圍行搵啦。
之後就係agnès b. CAFÉ L.P.G.、博多道場、黑瀧板蕎麥專門店或UCC揀喇，兜咗２個圈，最後都係想靜靜的有杯咖啡飲吓，所以就決定去UCC喇，雖然店鋪唔大人客已經好爆，但坐位都唔迫也不嘈，呢到食野的人客講野都幾細聲，太好喇！！
當我地坐下，就見到Menu隔籬有個介紹呢到的牌仔，原來呢間係「Global Work」與「UCC」合作，以店中店的模式運作，係本年２月才開幕；門口更有吧枱位置欣賞光學虹吸式慢煮咖啡，我都好想下次欣賞一下。
經過一陣子了解Menu後，最後我地決定點２個主菜加$35就可以有餐湯、沙律、餐飲 。
拎下沙律又慢慢食慢慢飲都可以食足１小時有多，雖店子少少，但職員也不會為咗第２輪生意而有趕客舉動，更會走埋來睇吓水杯有冇水使唔使加水法添，不論入座點餐埋單，態度都好誠懇，讚。
Dinner Special：
① 海鮮薄餅 ($79)
② 蜆肉什菇意粉 ($78)
③ 餐湯、沙律、餐飲 ($35) x 2Total = $227
10% Service Charge Total = $249.7
點餐完畢，職員就去拎餐具同一個吉碗比我地出去自助＜沙律＞Bar，每碗只可拎一次，Bar枱唔大，是晚材料有：車厘茄、薯仔沙律，紅豆、生菜，通粉沙律，吞拿魚，蜜桃，粟米粒，菠蘿，啫喱糖同脆麵包粒，三款沙律醬汁有：沙律有千島，酸瓜粒白汁及蒜粒油醋。
睇落材料唔算好多，但勝在夠新鮮，我唔用沙律醬都唔覺寡口，一碗滿滿的都夠喇，我最鍾意反而係脆麵包粒，夠香脆呀！！
拎完沙律，我們的＜南瓜湯＞都上檯了，南瓜味唔太出味淡，都幾Creamy，微溫，配沙律幾啱飲。
又５分鐘後，最後到＜海鮮薄餅＞，直徑 約有８"，厚度相信只有3mm，夠薄夠脆，材料都好豐富，有魷魚條、蝦、帶子同蘑菇鋪在芝士蕃茄醬下，好食唔膩，２個人Share啱啱好。
清哂所有食品，最後到＜咖啡＞，UCC出品果然夠香，唔酸微苦好飲。
Global Work Cafe by UCC
地址：銅鑼灣告士打道280號世貿中心3樓P301號舖
文章標籤
全站熱搜
留言列表
