呢日好友係1355來到攞飛等位，我因為遲左收工，係1410先趕到來，仲啱啱有位可以入座添，估唔到有咁多人食，我地坐係近門口位置，一直見到都有人排隊等入座，下午茶時段更多人，可能款式多少少又平少少吧，眼見人地食的下午茶餐同我地點的Set Lunch份量差唔多，識揀嘅都應該揀下午茶。
我地坐係到，一路睇Menu一路傾偈，５分鐘內職員走埋來好急地語氣麻麻地問的地諗到食乜未？我地話未，佢面口都黑黑地走開.....
使唔使比面口我地睇呢？因為Miss只想飲野，所以我地只點了一個午餐同多士，職員又話只叫一個餐？我話係，佢又黑面.....什麼態度！？
即係呢，我地慢慢食慢慢傾下，其實Ｄ野食已經唔係特別好食，已經加一服務費，但職員態度又差差地，又要自己出去埋單，市道真係咁差都唔使做到咁呀嘛？想有客返轉頭幫襯都難啦！
我地３人點了以下食物：
① 黑松露碎蛋沙律法式多士 ($42)
② Set Lunch: 鮮蝦茄汁扁意粉 跟即磨咖啡 ($69)
③ 熱檸檬茶 ($20)
④ 意式淡咖啡 ($20)
Total = $151
10% Service Charge Total = $166
黑松露碎蛋沙律法式多士：呢個真係極之快上枱，點單唔使３分鐘已經來喇，睇賣相好似幾好；可是蛋黃醬唔太好食，黑松露醬竟然冇味，最慘係件多士唔脆，仲係淋淋地添，對一個鍾意係脆口多士嘅我來講，對呢個真係極失望。
鮮蝦茄汁扁意粉：賣相都幾靚仔，扁意粉硬度剛剛好，但整碟都好乾，也唔太熱，蝦都新鮮，略鞋了點....整體尚可。
即磨咖啡：除餐附送，啡味帶苦唔酸算幾好。
意式淡咖啡：淡口味的，有點失望.....即磨咖啡好Ｄ。
全站熱搜
留言列表
