close
就在我想寫Blog的時候，當我入到Blog時便即刻見到一大個淺藍框紅噹噹的字寫著：
「重要公告：Yahoo! Blog將於2013年10月30日進入唯讀模式，2013年12月26日關閉服務
經過評估全球資源及整體發展方向後，我們決定在2013年12月26日正式終止 Yahoo! Blog。為保障用戶權益 ，自2013年9月2日起，Yahoo! Blog將開放用戶的資料備份申請、下載、「輕鬆搬家」、通知我們新網址服務。」
我一路睇一路「吓？」了不止數次，仲要睇多幾次肯定佢講乜，再入去＜小編輯的BLOG＞睇清楚呢個公告才敢肯定真係要關閉....
足足寫咗７年blog嘅我，雖然由當時日日update到隔日到而家一星期只update一次，有時都會諗寫來都冇人睇又攰，不如唔好寫啦，但起碼我一直都冇放棄嘅，每月最少都會更新４次，而家咁突然話我知呢到要執，雖然話可以『Yahoo! Blog將開放用戶的資料進行備份安排、備份檔案下載、備份檔案「輕鬆搬家」』，但是真的很擔心是否真的可以將我７年寫過Post 1,590和所有相片都可以轉去新地步呢？
另外我知Yahoo收購咗一個新嘅寫Blog平台「Tumblr」，我也登記了名為http://hoie1217.tumblr.com/，但呢類簡單blog並唔係我心目中所要的，多得在我留言版上留言的blog友yvonne，見佢轉咗個名為「痞客邦PIXNET」的地方，睇落都唔錯，係我唔知何去何從之時，我還是揀呢到好了，除非以後唔再寫架啫，如果唔係都要快Ｄ搵過頭新住家啦，網址為：http://hoie.pixnet.net/blog
對我來講真係好新，還是慢慢摸索同處理卓面設計等等，最希望的都係可以將呢到順利搬家，若果仍有緣分，希望在新地方見到您。
全站熱搜
留言列表
