隔左一段長時間冇食米線，順路行過門口，熱熱地見有涼拌小食，就決定來呢到食，是晚只是7點3，職員都好快招呼我地，態度良好。
我地2人點了以下食品：
① 辣味蕃茄湯米線+竹笙 ($31)
② 招牌小鍋酸辣米線(小辣)+黑醋豬軟骨 ($34)
③ 涼拌四重奏 ($40)
Total $105
涼拌四重奏： 爽脆墨魚頭，麻辣度夠強勁，估唔到份量都幾多；涼拌木耳同涼拌青瓜醬汁同樣係麻香醬油，幾清爽；和風麻醬玻璃肉以麻醬和柚子絲拌著，食起來甘香不膩，唔錯！
辣味蕃茄湯米線：雖然辣味只是來自撒上湯面的辣粉，不過帶酸且有粒粒番茄的蕃茄湯底加上辣味，係更恰到好處嘅；竹笙係湯底裡面被蕃茄湯染成橙紅色，吸收哂蕃茄湯，好食而且份量都算多；芽菜爽口，米線不會過腍，整體唔錯！
招牌小鍋酸辣米線(小辣)黑醋豬軟骨：雖然只點小辣，但酸辣米線湯底還是偏淡了點；黑醋豬軟骨酸酸甜甜滷得入味軟綿，幾好食。
- - - - - - - - - - - - - - - - - - - -
MiSS‧Mixian Sour Spicy
地 址：油麻地彌敦道566-568號僑建大廈地下
營業時間：星期一至日: 11:00-23:00
電 話：2363 8339
全站熱搜
留言列表
