呢日我地都係第一次唻，１點正來到都有好多位揀，我就揀左可望外面見光嘅位，不過的見到隔離嘅枱都幾污穢，冇抹過咁。
而Menu要出去外面睇牆上的牌，類似大家樂咁，不過係外面囉，但落單又唔係Menu隔離，感覺唔多方便。
去點餐後，店員會比部正方形嘅機器你，當部機器又震又響，即代表你要既野食已經做好，可拎部機去個取餐。
呢日我地點了以下食物：
① 熱自家烘培咖啡 ($34)
② 熱鮮奶朱古力 ($39)
③ 巴馬火腿橄欖油醋雜菜 ($59)
④ 法蘭西多士 ($29)
Total $161
熱自家烘培咖啡：我習慣點熱啡後會即時聞下同飲一啖，但呢杯唔熱唔香，微酸，可能唔啱我口味，我就唔太喜愛呢杯喇。
巴馬火腿橄欖油醋雜菜：擺放得幾好，份量少，３塊巴馬火腿咸咸的好食，沙律菜都好新解，橄欖油醋好味嘅，不過橄欖油醋全部係哂碗底，開頭食嘅時候根本唔方便從底部撈起橄欖油醋，攪到上面的菜冇汁食，食到尾就酸死。
熱鮮奶朱古力：呢杯夠熱別，不過只有淡淡的朱古力味，奶味也唔重，我地都覺得一般。
法蘭西多士：多士厚身，中間夾住牛油花生醬，唔熱又唔脆......
- - - - - - - - - - - - - - - - - - - -
呼吸咖啡茶館 Full Cup Cafe
地 址：深水埗巴域街70號美荷樓地下
營業時間：星期一至日: 07:00-22:00
電 話：3728 3454
全站熱搜
留言列表
