hoie的部落格

都有好一排冇來喇，上次來係見有位先去食，今次係專程來開餐嘅，只因上次老友見有人食漢堡好吸引，所以就話下次一定一唻食喎，而我就當然有人請就唔客氣啦。
 
今餐我地點了：
① 現磨咖啡 Regular Coffee ($35)
② Kronenbourg Deli 1664 ($48)
③ 無花果巴馬火腿沙律 Fig & Parma Ham Salad ($88)
④ 普羅旺斯燉雜菜法式蕎麥薄烤餅 Ratatouille Crepe ($78)
⑤ 肉眼牛扒雜菜蘑菇漢堡(竹碳軟包)配薯條 Rib eye steak burger with ratatouille & Portobello mushroom (sesame bun) ($168)
Sub Total = $417
10% Service Charge Total = $459

 
 
現磨咖啡 Regular Coffee：用嘅咖啡豆唔錯，咖啡味香帶甘。
Kronenbourg Deli 1664：帶有清新果香同麥味，清爽易入口。

 
無花果巴馬火腿沙律：份量唔大，無花果特甜，連咸咸的巴馬火腿同新鮮沙律菜一齊食，很醒胃。

 
普羅旺斯燉雜菜法式蕎麥薄烤餅：坦白講睇個款其實有D失望嘅，Size細外配料也很少；可幸係蕎麥薄烤餅香脆，但燉雜菜味道普通。

 
 
肉眼牛扒雜菜蘑菇漢堡配薯條：呢到嘅burger樣貌真係好吸引，呢個竹碳軟包雖然冇咩包味，但非常鬆軟，肉眼牛扒味香濃又富肉汁，中間夾雜烤雜菜同一大片厚香烤蘑菇，好味；另外鮮炸薯條幼幼少少咸多多脆，好食。

 

- - - - - - - - - - - - - - - - - - - - 
agnès b. Café LPG
地　　址：尖沙咀河內道18號K11購物藝術館
營業時間：10:00 - 22:00
電　　話：3122 4184

都好耐冇去SUZUKI開餐喇，本來都唔係揀來呢到食，都係因為原本想去的餐廳冇位，之後一諗就諗到呢到，所以就來啦。
雖然多年沒來，我地一行三人食完都尚算滿意嘅。

已經好耐冇來HABITU開餐喇，呢晚本來揀了另一間Cafe，但睇完Menu見冇野啱食及有限時90分鐘用餐，即時唔想幫襯。
跟手就即刻諗起呢間HABITU，打電話問過有冇限時用餐時間，職員話有90分鐘，但如果唔係繁忙的話，可以繼續用餐。

雞沙律芝士意大利軟包 Rosemary Chicken & Swiss Cheese Panini ($29)
軟包表面有迷迭香，食落軟熟味道滿濃的，包好食；雞沙律餡比較少，雞胸肉有少少咬口，裡面除左瑞士芝士更有芹菜，口感係幾豐富，因為撈左蔬菜，食落冇咁膩添。

呢晚因為食完dinner時間尚早，就諗食甜品啦，一諗就想到來呢間食抹茶，本來都諗住多人要等位就唔食架喇，可能時間真係仲早所以去到剛好有位，即刻入去啦，店員帶我地去廚房門前，我坐係到都可以睇到裡面整甜品。
入到來，一睇Menu就即時諗到食咩啦~

要係尖沙咀搵食其實都幾難，想搵間要靜又要啱食嘅對我地更難，有日行開美麗華，見到呢間睇落幾好咁噃，也可以Book位，就一於揀佢啦。
約好1930來到，環境暗暗，周圍已經有不少人了，但都唔太嘈，都幾難得喇。

已經好耐冇去茶木，一來見佢成日都係長期要等位，怕左等，二來上次食完好似又冇乜意欲再去，今次都係朋友揀呢間先來。
我地19點20來到，竟然唔使等位，不過職員都有說明用餐時間為90分鐘，都有問我地得唔得先帶我地入坐，態度都幾好。
可能真係隔了一段時間冇來，餐牌上的菜色的確多左好多，不過食完感覺仍然覺得價位稍高，而且係我地的用餐時間差唔多到90分鐘，真係來同我地講差唔多要交枱喇，雖然都係預左要走，但感覺好似被催促咁，呢個感覺麻麻。

今次係第一次於香港出海要用差唔多2個小時才到達的地方 ~ 吉澳及東平洲
聽導遊講東平洲係香港最東北的島嶼，睇WIKI講解是咁的：
吉澳（英语：Crooked Island）是香港的一個島嶼，位於大鵬灣西南水域，沙頭角以東，船灣淡水湖以北的位置附近，地區行政上屬於北區沙打分區。島嶼面積2.35平方公里，目前約有不到50人居住(且多為長者)。
東平洲為船灣郊野公園（擴建部份）的其中一個島嶼。由於自然侵蝕，島上滿佈有6500萬年歷史的頁岩，成為郊外旅遊及地理考察的熱點。東平洲附近海域則為香港第4個海岸公園——東平洲海岸公園，岸邊有貝殼及珊瑚生長。
 

隔左一段長時間冇食米線，順路行過門口，熱熱地見有涼拌小食，就決定來呢到食，是晚只是7點3，職員都好快招呼我地，態度良好。