等了一年，終於可以見到湯湯喇！！
話說係微博同過湯湯講過幾次好掛住佢好耐冇見，佢就話搵日食飯，我又答過就算唔成事，妳咁講過我已經好開心...
點知隔了２~３個月，湯湯真係叫人搵我地夾時間出來一聚........當時真係好感動呀，湯湯原來冇忘記過我地！！
等了又等，等了半個月，終於係今晚可以見到湯湯喇，其實我愛上佢廿多年，每次見到佢都仲會緊張仲係怕羞唔敢同佢講野....但其實真心真係好開心的。
呢晚我地８點去到，環境很好，只是成間店都比較嘈，我地被安排坐在最入一間大房內，呢到應是店裡最靜的位了吧！？
大大張圓枱應可坐14人，呢晚我地有12人，位置很鬆動幾好坐。
湯湯2035都來到了，揀來呢間應該係佢意思，因為見佢在點菜紙講呢款好食果款好食，那今晚就由佢發板點菜啦。
當菜式陸續上枱，但中間那個大轉盤就真是太大了....而且每碟都很細小，令成張枱都空空洞洞，感覺怪怪的，要食某款菜時就要轉一個大圈，其實都幾搞笑。
開頭湯湯點了９款食品，可是每款都不太大，每碟都好快就比我地食哂喇，結果要加添３回先夠，食足２小時。
最後更是由湯湯埋單請我地食，其實我仲以為係由我地10多個Fans請佢的，點知原來佢請，要佢抽空同我地食飯，又要著人搵我地搞聚會，最後又要佢請我地，真係唔好意思；埋完單，我地陸續影影相後一齊離開店子在地下傾多兩句就ByeBye喇，期待以久的夜晚，時間過得真快，但真係過得好開心。
以下就係湯湯點左３次嘅菜式：﹣
① 麻醬油麥菜 Lettuce Roll with Homemade Sesame Sauce ($48) x 2
② 涼拌黑木耳 Chilled Black Fungus in Peppercorn Vinaigrette ($42)
③ 成都口水雞 Poached Chicken in Szechuan Style ($68) x 2
④ 皇朝小籠包 (八種口味) Signature Dynasty Xiao Long Bao ($88) x 2
⑤ 香葱拌海蜇 Marinated Jellyfish in Shallot Oil ($58)
⑥ 雪菜蝦仁炒飯 Wok-fried Rice with Shrimps and Preserved Vegetables ($75)
⑦ 炒年糕 Wok-fried Rice Cake with Pork and Vegetables ($68)
⑧ 上海炒飯 Shanghai Fried Rice ($75)
⑨ 重慶水煮魚片-小辣 Poached Dried Fish in Szechuan Chili Oil ($128)
⑩ 無鍚鮮肉鍋貼 Pan-fried Pork Dumpling (3 pcs $32) x 2
⑪ 清炒白菜苗 Stir-fried Cabbage ($72)
⑫ 老田家菜肉雲吞湯 Vegetable Pork Wanton Soup (6 pcs $48) x 2
⑬ 皇朝膽膽拉麵 La Mian with 'Dan Dan' Sauce ($48)
⑭ 蒜香排骨拉麵 La Mian served with Deep-fried Fragrant Garlic Pork Ribs ($62)
⑮ 高麗豆沙 Soufflé Egg White Balls stuffed with Red and Banana (3 pcs/$30) x 2
⑯ 香煎豆沙鍋餅 Pan-fried Pancake with Red Bean Paste ($38)
⑰ 檸檬蘆薈桂花蜜 Chilled Aloe Vera and Osmanthus Jelly in Honey Lemon Juice ($26)
Total = $1320
10% Service Charge Total = $1452
① 麻醬油麥菜：將青瓜片捲實油麥菜成一捆捆，好新鮮為靚仔，麻醬大大碟比油麥菜更多，麻香滿溢都幾好味。
② 涼拌黑木耳：木耳爽口脆身，伴以麻油酸辣調味，都清新醒胃。
③ 成都口水雞：雞肉都滑，醬汁微微辣偏鹹喎。
④ 皇朝小籠包：剛剛蒸起的小籠包上枱的的骰骰，要順序由原味、人蔘、鵝肝、黑松露、芝士、蟹粉、蒜香及麻辣（由淡至濃）食，餐廳建議除原味同蟹粉外，其他都唔使蘸醋，品嚐每款的獨特味道。
白色原味的肉鮮湯甜；綠色人蔘味很濃唔苦；啡院鵝肝感覺怪怪的；黑色黑松露很幽香，又唔會蓋過肉鮮；黃色芝士味唔濃淡淡；橙色蟹粉味用少許蟹粉加上蟹肉，湯汁都能嘗到蟹香鮮甜；灰色蒜香味唔夠蒜香；粉紅麻辣已經好膩喔.....
⑥ 雪菜蝦仁炒飯：雪菜翠綠味淡；蝦仁比較小，炒飯較濕油油的。
⑦ 炒年糕： 裡頭有白菜、肉絲、年糕量多，可是不夠軟身煙靱，深啡色的賣相但味道較淡。
⑧ 上海炒飯：同樣有蝦仁，炒飯粒粒分明，呢個炒得較乾身但又有油香。
⑨ 重慶水煮魚片：一大盤麻辣紅油辣椒浮面，冇香味；配上大魚片，嫩嫩的唔錯；可能點了微辣，辣味真係極之微小...；魚片份量其實都唔係好多，裡頭加入大量粉絲，吸盡湯汁算不錯。
⑩ 無鍚鮮肉鍋貼：鍋貼大大隻，店裡包小籠包鍋貼的肉餡鮮嫩果然係多汁，外皮底煎得香脆但較厚。
⑪ 清炒白菜苗：本身我唔多鍾意食白菜，不過呢個苗真係好鮮甜。
⑫ 老田家菜肉雲吞湯：菜肉餡不錯，但雲吞皮厚，湯底一般。
⑬ 皇朝膽膽拉麵：麵質彈牙，不過湯頭一般...鹹鹹辣辣囉。
⑭ 蒜香排骨拉麵：聽說麵條是手打唔係機做的，麵質幼滑，淺白色的湯底偏淡，有３件排骨，炸得未夠香脆，蒜香都略少，反而內面半隻鹵蛋好好食。
⑮ 高麗豆沙：一客有３件，炸得大大漲漲的，糝上糖霜白雪雪好靚。皮比較厚但軟綿，豆沙蓉唔多，整體都還好。
⑯ 香煎豆沙鍋餅：一大塊切成８小件，皮薄但唔香脆，豆沙唔太甜味道剛好。
⑰ 檸檬蘆薈桂花蜜：裡面充滿蘆薈肉，有一點點冰碎及杞子，吃起來清涼透心，再加上檸檬汁的酸香，中和了點飽滯感。
請先 登入 以發表留言。