條金巴利街裡面Ｄ韓國菜館認真多，漸一大半都係屬貴野，但連客人都一樣咁多，呢晚我地７點係呢條街遊來遊去，唔想食燒肉，只想食Ｄ野就去睇戲，最後搵到呢間《北口韓國地道小食》門面狹窄、店子小小、冇收加一，仲見到裡面有一半都係韓國人，即管係門外等吓，試吓好唔好食喇！
係門面等嘅時候，係出門已經睇哂貼在外的Menu，選擇唔算好多，有幾款屬Best，都應該係店裡推介品，不過我地都係揀返自己想食嘅野。
等左10分鐘，我地坐係對正廚房門口，其實真係好近，眼見只有１個廚師叔叔多整壽司類，落單嘅嬸嬸要做埋煮麵、水吧同洗碗，一腳踢呀，後來多來一個姐姐落單，好有家庭風！
雖然各食品份量都偏小嘅，但若以店名一樣當小食嘅話係正常喇，而味道方面都覺得唔錯，可以回頭的啦！
以下係我地點的：
① 魚片串 Fish Cake Skewer ($18)
② 迷你飯團 Mini Rice ball mixed w/fried vegetable ($20)
③ 芝士公仔麵 Cheese Ramen (38)
④ 韓式涼伴粉絲 Spicy vermicelli w/vegetable ($42)
Total $118
魚片串：又話係串嘅同Menu唔同樣，有3大片浸係湯裡，魚片腍身冇乜味；個湯有點胡椒辣味，有少少大蔥，好飲喎！
迷你飯團：其實都唔迷你，３球比去吉吉島$10個飯團更大更責實，飯團混合好多紫菜芝麻，飯有麻油作調味，都幾好食。
芝士公仔麵：睇住佢煮，用個電水壺整熟個公仔麵，最後放塊芝士上面即成，味道當然就係普通公仔麵啦，好似返左屋企咁。
韓式涼伴粉絲：除左有煙韌的粉絲外，上面鋪滿大量紫椰菜絲、紅蘿蔔絲、青瓜絲、泡菜絲、醃白蘿蔔片及一點點芝麻，色彩繽紛，仲有半隻蛋；份量係小嘅，食完都唔覺飽，不過涼伴汁酸酸甜甜的好開胃，係好味嘅。
- - - - - - - - - - - - - - - - - - - -
北口韓國地道小食
地 址：尖沙咀金巴利街1A號
營業時間：星期一至六營業，逄星期日休息
營業時間：星期一至六營業，逄星期日休息
請先 登入 以發表留言。