記得第一次唻係同幾個老友食完飯後想食甜品，行下行下而揀到呢間嘅，其實主因為想去果Ｄ都大排長龍，好彩行到過來呢到啱啱有張６人位坐，如果唔係都冇得食。
今次就係睇完戲想搵Ｄ野食，所以10點就來到，又係啱啱好有張枱有位，去啦。
我本身係鍾意食涼粉嘅，其實記憶中上次來食好似一般，今次來真係唔記得左好唔好食喇，不過都係揀返普通甜品吧！
呢晚我地２個就揀左：
① 日本抹茶雪花冰 ($47)
② 紅豆黑涼粉 ($27)
Total = $74
日本抹茶雪花冰：呢個好快就來喇，抹茶味都幾濃，雪花冰好幼滑，都幾好食；另有一小球抹茶雪糕同紅豆，同樣都好甜。
紅豆黑涼粉：反而我呢個等左好耐，其實已經走奶走糖咁易整，點解都要等咁耐嘅？一來到見到紅豆好似唔使錢咁有一大堆，睇見都開心呀，因為的愛紅豆，即刻食啖啦...嘩~好好好甜，似我係超市買嘅罐裝紅豆味，真係太甜了，紅豆味已欠奉..都幾失望；涼粉...咪就係涼粉味咯。
其實見到呢間Menu都幾多不同款式甜品，眼見其他食客都係叫當時推介果Ｄ甜品，但係如果其他普通甜品都做唔好，只做好推介果Ｄ又如何呢！？
- - - - - - - - - - - - - - - - - - - -
請先 登入 以發表留言。