呢晚因為去APM睇戲，不過APM冇乜野啱食，就約佢去德福睇吓有乜好食，遊下諗下之際記得有次行上Megabox有間食印度快餐嘅，都想試下跍，就係咁就行咗過去喇，要上到10樓，第一次來Megabox food court，睇環境我就搵咗個對住溜冰場位坐低喇。
我最鍾意就係食卡巴卷，當然唔使諗就揀到啦，佢都諗咗一陣先諗到食乜，最後係1950終於落單，其實係外面都可以好清楚睇到裡面煮食環境，不過呢個food court唔係用電子牌，買完要係附近等嗌No.，我就見到有幾個人都聽漏咗喇。
雖然每樣野食都要等下，不過係即叫即製嘅話都接受吖，只係要杯熱咖啡要等到最後先出咯~
20:11開得餐，以下係我地點的：
① Set R7: 蔬菜蕃茄咖哩飯 配凍檸檬伯爵紅茶 ($42)
② Set K8: 蔬菜沙律卡巴卷 配熱咖啡 ($36)
③ M1: 印度咖哩薯條配蕃茄馬沙拉咖哩 ($18)
Total $ 96
凍檸檬伯爵紅茶：冇檸檬片，杯底有檸檬汁，伯爵紅茶好夠味，估唔到幾好飲喎。
蔬菜蕃茄咖哩飯：估唔到做得比我個卡巴卷快，睇落份量好少，實際都真係少；應該係蕃茄同咖哩炒飯，食落似硬版Risotto，材料有車厘茄、翠玉瓜、蒟蒻粒、番茄味比咖哩味重，蒟蒻粒令飯更有咬口，整體還好，只係份量偏少，唔抵食。
蔬菜沙律卡巴卷：好大卷，材料同蕃茄咖哩飯有車厘茄、翠玉瓜、蒟蒻粒，另外有椰菜絲配大量沙律汁，個Naan Bread夠熱，外面少少脆、內裡軟綿綿，沙律汁可以少Ｄ更正！
咖啡：算吧啦，係呢到飲呢個唔會有要求。
印度咖哩薯條配蕃茄瑪沙拉咖哩：幼薯條香脆唔太油幾好食；椰葉絲好乾；個咖啡汁蕃茄味濃，蓋過瑪沙拉咖哩香味咯。
- - - - - - - - - - - - - - - - - - - -
Royal Paisley
地 址：九龍灣宏照道38號 MegaBox 10樓6號
電 話：2376 3081
請先 登入 以發表留言。