又到一年一度同Miss老友聚會，我地呢個組合已經好多年咯，唔會加多減少嘅！
之前約Miss時佢話可以離開沙田，因為我次次都揀新城市，諗住近Miss返屋企嘛，難得今次佢話可以跳出沙田喎，我當然唔放過機會，上網搵餐廳啱食之餘環境又要傾到偈嘅，之後我揀左３間比老友揀，最後老友就同我商量過後決定揀去九龍灣呢間《Bespoke》。
一來我地未去過，二來九龍灣商業區比較靜冇咁多人，Miss都贊成喇 (其實Miss都冇所謂嘅，我地話去邊就去邊) 。
呢日約好1330係九龍灣地鐵站等，點知老友遲到，到1350先行過去，不過都好近啫，14點05就到啦。
問左Miss想食乜後，我地就出去買野，呢間Cafe冇加一收費，不過就要自己去買餐先，再返埋位等食喇，難得出城，今次我請啦！
整體食物飲品都算ＯＫ，環境就算人多都唔會嘈，可能Ｄ客人都想靜靜的呢，我地食哂野坐左２個鐘都冇叫我地走，態度幾好，都可以再來吖！！
之後我地行過去零碳天地行下影下合照先返上德福送Miss搭地鐵啦，每次見完Miss都覺得好開心嘅 ：）
我地點左：
① Set: 日式咖喱雞烏冬 配咖啡沙沙冰 ($73)
② Set: 芝士蘑菇烤三文治 配Latte ($73)
③ 丹麥方包加香蕉肉桂 ($38)
④ 是日滴漏咖啡 (Large $26)
Total= $210
今次就依次序上枱來細說吧！
是日滴漏咖啡：估唔到咁大杯，好香濃好飲，呢個價錢實在抵！！
日式咖喱雞烏冬：老友揀左呢個咖啡，我都有試下，雞肉都幾多，肉質唔韌冇雪味都ＯＫ；日式咖喱汁當然微甜，咖啡味好微，味道尚可；可惜係烏冬唔夠彈牙，一般喇。
Latte：去咁多次Cafe，都係第一次見Miss揀飲咖啡，呢杯Latte雖然冇拉花，但幾滑，啡味淡淡的，都唔錯。
咖啡沙沙冰：老友揀左呢杯，飲左幾啖已經後悔飲佢，因為嫌佢唔夠沙冰，好快溶了，太多奶好甜，咖啡味太少。
丹麥方包加香蕉肉桂：到我的丹麥方包，比Miss話我唔抵食，因為只是一塊丹麥方包加香蕉片，係屋企都輕易做到，不過都有過塊丹麥方包好食，咁我都覺得唔抵食，不過呢日只想食多士，只有呢款可選呢。
上面那１６片香蕉配肉桂粉原來都幾好食，可能我鍾意肉桂味，好似配咩都夾咁。
方包烘得燶燶的，實在太合我心，好鬆軟豐牛油味，都幾好食，
芝士蘑菇烤三文治：Miss只食了半件就話夠，另外果半件我地２個食埋佢，法包焗熱後就算耐左先食都依然脆口，好食；蘑菇帶有黑椒配芝士好食，蕃茄片都新鮮啫，睇來去Cafe食三文治真係會啱口味Ｄ。
Bespoke Coffee Time
地 址：Shop G01, Manhattan Place, 23 Wang Tai Road, Kowloon Bay
電 話：3974 5540
營業時間：Weekdays: 7:30am - 7:30pm, Weekends and public holidays: 11am - 6:30pm
請先 登入 以發表留言。