田園西蘭花蛋批 ($33)
批底好薄，西蘭花茸冇乜調味富西蘭花味唔膩，中間一層厚蕃茄片同頂層的蛋好夾，好食！
聖誕朱古力鬆餅 ($21)
就係一直都有得賣的朱古力鬆餅上加了黑、白朱古力片作鹿做型，黑白朱古力片嘅朱古力味都好淡，冇朱古力味也唔甜，普通。
朱古力鬆餅依舊有濃濃的朱古力味，唔甜，質地濕潤，唔錯。
聖誕樹布朗尼 X'Mas Tree Brownie ($19)
面層有６粒M&M朱古力豆，以白朱古力畫了幾筆，依然冇朱古力味；Brownie裡有粒粒合桃，整個Brownie都好實的的，朱古力味唔濃，只覺普通。
香橙焙茶鬆餅 Orange Hojicha Tea Muffin ($20)
面層有粒粒橙皮及一粒粒粒小小的茶葉，鬆餅唔太濕潤偏乾，整個鬆餅一Ｄ茶味都唔覺有，橙味就只有食到橙皮粒才會有....總括來講整個Muffin都唔夠味。
脆辣腸罌粟籽烤卷 Spicy Sausage Poppyseed Bread Stick ($26)
麵包沒太多味且質感好實，需要點牙力咬，不過整條包都佈罌粟籽翻烤後就好香脆，最好食係脆辣腸，有煙熏味，好好食！！
芝心腸香草烤卷 Cheese Sausage Rex Milano Bread Stick ($25)
富有香草味，麵包質感冇罌粟籽烤卷咁實，包好食，芝心腸少咸，都好難群好食喇。
特濃野莓松露朱古力咖啡 Espresso Truffle Raspberry Mocha（G$44)
看過介紹starbucks朱古力咖啡就是採用Espresso加專用可可粉調製的，味道應該很濃，今季呢個加入野莓松露朱古力，雖然松露味稍微平淡，但野莓味好濃，同朱古力味好夾，一層厚厚的粉紅色鮮忌廉好靚，而上面的朱古力醬好稠，又酸又甜，都幾好飲。
請先 登入 以發表留言。