每逢去睇戲前時間又唔多唔少，唔知食乜好嘅時候，就會諗起吉野家架喇，雖然我唔食牛，不過其實吉吉家的雞都幾好食架，去打個快邊爐後去睇戲時間就啱啱好喇。
呢晚我地７點去到都有好多位揀下，好快就買野食開始打喇，同樣都係第一次食呢個鍋添。
① 韓式海鮮鍋-微辣大醬湯底 配 雞、白飯 ($62.9)
② 韓式海鮮鍋-清湯底 配 雞、粉絲 ($62.9)
- 餐加檸檬百事 22oz ($6)
- 響鈴 ($7.5)
- 泡菜二份 ($10)
Total = $149.3
我地揀嘅鍋都係一樣，材料有：厚肉藍青口、墨魚仔、原隻大蝦、粟米墨魚餅、豆腐、粟米、藍瓜、金菇和紹菜。
我比較鍾意清湯，真係清到冇乜味嘅，但我就是喜歡佢夠清。
反而佢個微辣大醬湯雖然紅紅的，不過唔辣嘅，係有一點點失望嘅...。
藍青口肉真係好鮮甜，算大隻，好味；墨魚仔都幾爽口唔韌；大蝦都新鮮都算大隻喎；粟米墨魚餅就唔乜味，炸魚旦咁囉~
厚厚的雞肉雖然大舊要滾耐Ｄ先熟，不過肉質都唔會好實，有雞味冇雪味的，算唔錯啦。
其他蔬菜也新鮮冇爛，係粟米較乾而已；另加的響鈴就...好麻麻，唔知食左乜咁？泡菜２小盒份量少得可憐，一啖食得哂！
我覺得韓式粉絲比早期的日本粉絲好食喎！
請先 登入 以發表留言。