其實我都幾鍾意食韓國菜嘅，不過在我身邊朋友們就好似冇發覺，可能仍停留係我只鍾意日本事物時期啩？
雖然我都仲係好鍾意日本野，但在食方面，日本同韓國菜對我都同樣喜歡呢，何況兩方面我愛食的食材都係潰物泡菜魷魚蔬菜類，唔係炸野燒肉就好喇。
雖然我唔鍾意食拉麵，不過日本菜就鍾意食そば，韓國就最鍾意食湯冷麵喇~ 自從１０年前係韓國食過一碗湯冷麵後，真係驚為天人，因為係第一次冬天食碗有冰嘅冷麵，味道果然係歷久常新嘅，一旦試過喜歡，過了多久都會記得果種味！
呢晚去睇戲前想食冷麵，經尖咀行下各韓食店，最後都係揀左呢間成日路經嘅《釜山亞之媽》，因為每次路經都唔多覺佢有開店，呢晚終於見佢有開，就試下啦。
入到店內，幾枱客都係韓國人，連招呼我地的店員老闆都係韓國人，太好喇！最鍾意去呢種感覺正宗嘅店食；老闆娘是個婆婆，好可愛。
Menu上不算有太多選擇，都係小食／麵類、Soup Stew配白飯及飲品而已，不過我主要食冷麵的話，多選擇與否對我都冇影響嘅~ 呵~~~
我地坐下揀左約５分鐘就點菜，店員好好禮貌喔~
① 梨汁 ($12)
② 泡菜煎餅 Kimchi Pancake ($70)
③ 泡菜湯 Kimchi Stew 配白飯 ($75)
④ 湯冷麵 Buckwheat Noodles in Chilled Soup ($75)
Total = $255
前莱：每位有三小碟，分別為椰菜、泡菜及芽菜，味道一般呢~ 送嘅就唔會有期望嘅。
① 梨汁：有粒粒蘆薈肉、梨味淡、汁好甜.....
② 泡菜煎餅：紅紅的煎餅唔厚有脆邊，咬下去麵粉漿唔多夾著大量泡菜，而且中間有好多魷魚，質感好又唔油，雖然泡菜味唔算濃，不過都好食嘅！
③ 泡菜湯：豆腐湯燒得滾燙的上枱，湯只有少少辣，裡面有幾隻蜆仔，鮮甜的；豆腐滑滑，以湯拌飯還算唔錯。
④ 湯冷麵：真的好喜歡見到用大大個鋁碗食冷麵，特別有冷感！賣相麻麻，上面有半隻蛋、醃青瓜條、醃蘿蔔薑片及大量蕎麥麵。
韓國的蕎麥麵比日本的更有咬勁更煙韌，兩者須感我都鐘意的，但韓式冷麵加上黃芥末，白醋後，帶出些微的嗆味，令冷麵清爽有另一種風味；冰涼牛骨湯清甜，好味！
釜山亞之媽
尖沙咀堪富利士道5A號地鋪
T: 2376 3385
請先 登入 以發表留言。