抹茶栗子蛋糕 Green Tea Chestnut Loaf Cake ($21)
蛋糕質感濕潤，非常有抹茶味更帶點抹茶苦添，估唔到抹茶加栗子配搭都幾好。
烤茄子雜菜千層闊麵 Lasagna Roasted Vegetable ($45)
呢件係由多層包括麵皮、菠菜、茄子、三色椒及蘑菇烤焗而成，每層之間有蕃茄醬但唔多，面層舖了上水牛芝士，烘熱後算滋味嘅，但份量實在太小，真係細得可憐。
肉桂丹麥酥 Cinnamon Danish ($17)
其實真係冇乜肉桂味，不過酥脆搭夠，但唔夠味嘅自己去加點肉桂粉囉...哈！
甘筍蛋糕 Carrot Loaf Cake ($21)
上季食過切餅甘筍蛋糕覺得好好食，所以今個秋季出了片裝蛋糕更想一試。
蛋糕頂部有白朱古力及橙皮粒，白朱古力唔甜配橙粒帶小小橙香都唔錯，甘筍蛋糕味道清新唔算甜嘅，但是質感比較乾唔夠濕潤，還是覺得上次切餅好食得多。
朱古力意大利芝士蛋糕 Tiramisu Brownie ($35)
將餅低以Brownie代替餅乾，感覺質感更實在，不過Brownie朱古力味唔多濃，裡面有合桃粒有咬口，都算唔錯；Tiramisu好滑，不過味道偏啖。
法式雲呢拿鮮奶咖啡 French Vanilla Latte (G: $40)
覆在頂層的是鮮忌廉、雲呢拿籽及朱古力卷碎，味道唔錯；睇介紹係 “以新鮮蒸煮的牛奶及帶烘烤風味的特濃咖啡作基底，加入法式雲呢拿醬調配” 的，我就唔知法式即係乜式？反之覺得飲第一啖有榛子味，好滑唔甜，係少有地有咁多奶我係覺得好飲嘅！！！
請先 登入 以發表留言。