位於尖沙咀K11的星巴克係８月開幕喇，話雖尖咀已經好多分店，不過真係唔夠的啦，有好幾間店更全天候多人，想搵個靚位坐都唔得呢，雖然呢間分店唔大坐位又唔多，係一眼睇哂咯，不過就比較遠離尖咀中心，所以都算較少人來到呢到，平日晚上來就最好不過喇。
而店內有部分裝潢由畫家親自於現場繪畫，果然貫徹K11藝術先行。
檸檬薑味芒果啫喱汽滋樂 Lemon Ginger with Mango Jelly (T $39)
呢款又係在外國推出過後才來到香港，不過為期只有一個多月就完喇，全港只有10間分店供應，想試嘅真係要特地去架！
Fizzio™改左個中文名叫汽滋樂....的確有點奇怪，簡單來講就係梳打水加生果啫喱喇，今回推出有３款口味：檸檬薑味杧果啫喱、檸檬芙蓉花啫喱及乳酸杧果啫喱，我鍾意檸檬，當然揀左＜檸檬薑味芒果啫喱＞試下啦。
中見佢沖調時唔係用手調喎，而係放入一新專用機，相信係打Ｄ汽入裡面用的，第一啖飲落都幾有汽，不過好快就走哂汽了；檸檬薑味偏啖啫，芒果啫喱就極有豐富芒果味，呢杯還可啦。
Fizzio™ Handcrafted Soda：http://lp.starbucks.com/home/homepage-64QO-1228DG.html
薯蓉牛肉批 Shepherd's Pie ($29)
呢個都唔係第一次推出架喇，不過今次就同之前點分喇，起碼外貌係靚仔左嘅。
叫職員烤濃少少，批面的薯蓉帶點香脆燶燶地，好食；牛肉感覺有點似咖啡牛肉包的餡味，都唔錯噃，批底普通喇。
馥莓蛋糕 Very Berry Loaf Cake ($26)
蛋糕中間有整粒藍莓和士多啤梨醬，甜甜酸酸，蛋糕唔太濕潤偏乾，不過連同莓粒一切食濕度剛本嘅。
煙三文魚多穀牛角包 Smoked Salmon Multigrain Croissant ($33)
其實本身$18個的多穀牛角包加左好多穀物，雖然冇哂牛油香又唔會瘦Ｄ，但翻烤後包及面層的亞麻籽、燕麥、葵花籽外脆內軟已經好食，不過加多了大大片的煙三文魚即時覺得升級左，煙三文魚本身已經夠濃郁，底下塗抹薄薄一層紫洋蔥蛋沙律，好味。
請先 登入 以發表留言。