我們這一家終於唔去意粉屋，改去Pizza Hut喇！！
我地從小到大一直都係幫襯意粉屋，來Pizza Hut的次數我諗真係一對手數得哂有幾多次，呢次來呢到其實係我提議嘅，因為之前同Miss來過食下午茶，都幾抵食，咁媽咪又話想食Pizza，咁不如去呢到啦，因為我地次次都係去意粉屋嘛，同埋咁哥哥又可以試下個新批呢~ ~ ~
我同爸爸都係最怕等位嘅，當然唔會揀星期日，不過都揀左呢個公眾假期去，更預早Ｄ去攞位，寧頭早Ｄ食都費事等位呀，所以呢晚我地係1840已經去到坐低埋喇！
難得來到，一於食大佢，雖然我地得４個人，其實我主要食沙律，不過都叫左一個４人餐，沙律、小食、意粉飯及Pizza各一，實在太豐富喇，家人都可以叫咁多野，唔怪之得佢地連Lunch都唔多食，就係呢餐食埋佢啦！勁在真係食得哂冇嘥野喎，非常好吖。
最正係用恒生信用卡有67折，慢慢食到飽飽埋單只係$493，呢餐真係好抵食，如果去意粉屋同樣叫咁多野食，冇６舊幾水都唔使旨意啦，呢回我地都食得好滿足離開，下次再有乜新野又可以來啦....
不過我地都係意粉屋Fans仔，都唔會放棄佢嘅，始終係有份情意結係到。
三文忌廉批4人套餐：
﹣餐飲4杯：熱咖啡, 凍咖啡
﹣餐湯4客：意大利菜湯，龍蝦湯(升級+$15)
﹣小食3款：烤雞凱撒沙律、酥脆蝴蝶蝦、焗白汁煙肉焗薯蓉
﹣意粉飯２款：卡邦尼煙肉忌廉濃汁意粉、咖哩雞肉焗飯
﹣(普通批) 雜莓柚子烤肉腸-飛魚籽三文魚忌廉(芝脆邊)
恒生信用卡67折 + 10% Service Charge Total = $493
(前) 意大利菜湯﹣蔬菜份量都算足，不過溫度唔太熱，味道唔太濃都算唔錯。
(後) 龍蝦湯﹣ 有龍蝦粗粒及洋蔥粒，唔杰有點稀巴巴的，味道尚可。
烤雞凱撒沙律﹣有２件微脆的蒜蓉麵包條，幾好食；菜都好新鮮，雞無乜味少少咸，面層有芝士碎，沙律醬唔用都okay。
酥脆蝴蝶蝦﹣有５大件，金黃色睇落炸得好靚，蝦肉肉質結實又彈牙，竟然唔覺熱氣，好ＯＫ！
卡邦尼煙肉忌廉濃汁意粉﹣份量唔算大，煙肉粒夠惹味，配有磨菇片增加不同口感，卡邦尼忌廉汁味好濃又香又唔膩喎，呢個唔錯。
咖哩雞肉焗飯﹣又係好靚仔同好熱！材料都幾豐富，大量薯使粒、洋蔥、車厘茄，而雞肉係大大舊都入哂咖喱味，而咖喱甜甜地，有Ｄ似日式咖喱，整體係好味嘅。
雜莓柚子烤肉腸三文忌廉批﹣烤得幾靚，配料足，推介！有切片辣肉腸及肉腸、車厘茄、蘑菇、青椒同蜜桃，配上雜莓黑醋汁柚子醬，唔膩好清新，批餅口感外酥內軟係正嘅，只係批邊的"飛魚籽三文忌廉芝士"我地都覺得麻麻啫，非out左佢更正。
香蒜芝士白汁蜆肉焗薯蓉﹣烤焗咗的巴馬臣芝士配白汁蓉落香滑薯蓉上面，幾濃郁好味，薯蓉花賣相又靚仔，裡面有紫洋蔥粒、甜脆紅椒粒同蜆肉，材料份量適中嘅，剩係食薯蓉都滿足，讚！
請先 登入 以發表留言。