呢晚特地來韓燒，係為左同２個老友慶祝生日，搵到呢間係因為之前係樓上打邊爐，不如下次去韓燒唔好又打邊爐喇，所以咪來呢到囉....未試過呢間嘛。
是晚Book左 1915，任點任食每位 $179，限時２小時，我地上到去都仲有位唔使等，坐耐Ｄ已經開始有人等位，相信就算Book左位都未必會有位添，好彩呢晚我地早食啫。
坐低就見到張點菜紙，原來真係"任點任食"，一張紙仔搞惦，我地一人５人點左２輪都已經冇乜野好再點....睇落好似好多野食揀，其實真係唔太多，飲品要另外叫也需加一收費。
我最鍾意食泡菜，可惜呢間韓燒冇乜，前菜係多，但唔夠韓國囉.....
青瓜﹣微酸幾爽但唔夠凍。
粉絲﹣唔係韓國粗身果款，係彈牙嘅，但比較油
大豆芽及芽菜仔﹣雖然２款都冇乜味但好爽口，夠清新囉。
泡辣蘿蔔﹣呢個最正喇！酸辣夠爽脆，可惜唔夠辣啫。
椒鹽雞翼﹣雞翼好大隻，冇雪味冇腥味也唔鹹係有少少油，不過唔熱唔凍就麻麻咯。
滷水雞腎﹣正！！食落爽口又夠稔，易嚼唔韌！！！
滷水雞腎﹣正！！食落爽口又夠稔，易嚼唔韌！！！
八爪魚仔﹣都算大粒，冇雪味唔腥，食落彈牙幾好
請先 登入 以發表留言。