今晚因為要特地來呢到睇戲，都唔知去邊到開餐好？我倆突然記得去過沙田宜家食Dinner，都可以試下Mega Box呢間喎，本來都怕會冇位又要好似去沙田咁有排等嘅，結果原來Mega Box分店的餐廳地方大好多喎，今次唔使等位之餘更有位比我地揀添。
食品款式與沙田同樣有很多選擇，呢到更有小麵包及生果揀，不過如想買甜品就要兜返出去咖啡甜品部買，不過呢個設計都好，因為只想食甜品飲咖啡嘅話就唔使入餐廳同人迫喇。
呢晚我地睇戲前有大把時間，所以都叫咗好多野食可以慢慢嘆吖~
① 瑞典凍蝦盤 ($23)
② 羊架配薯蓉 ($46)
③ 蟲草花無骨豬飯 ($28）
④ 竹笙雪耳羹 ($13)
⑤ 希靈魚薯仔沙律 ($19)
⑥ 蕃茄沙律 ($9)
⑦ 合桃批 ($14)
⑧ 咖啡 ($7) x2
Total $154
羊架配薯菜：羊架大大件絕對冇膻味都算幾juicy，唔錯；薯菜大大份有薯仔甘旬片黃瓜西蘭花，各款都比較淋身，幾十蚊呢個質素接受啦！
蟲草花汁無骨豬飯：蟲草花汁即係什麼味呢？只覺肉汁鹹鹹的，有兩大片無骨豬手，好淋唔韌有肉味，有數件西蘭花同紅蘿白，都尚算ＯＫ喇。
竹笙雪耳羹：睇落好深色，不過原來係好清好清嘅，只有三數片竹笙，雪耳免問喇，呢碗麻麻.....
希靈魚薯仔沙律：有好大堆薯仔沙律，唔鞋口幾Creamy，酸酸的希靈魚好開胃，好味；也有半隻恰蛋及新鮮沙律菜，唔錯。
蕃茄沙律：有６大粒車厘茹，多汁，蔬菜有Ｄ新鮮帶一點微爛的，咁就差咗少少喇。
咖啡：都算香嘅，濃就唔使旨意架喇，不過係無限添飲已經夠抵飲啦。
合桃批：甜！但好味又超抵！表面已經有好多合桃粒同葡萄乾，牛油批底超薄食完都唔覺膩，好食呀！！
請先 登入 以發表留言。