呢日我地high完Tea又睇完戲，係唔知食乜嘅時間搭MTR去尖咀先再決定搵乜食！
當我一出車後，就醒起The Mira地庫有間日本來開店的Cafe，呢間比係銅鑼灣希慎店名氣低少少，而呢間分店地方又較細，似較重視輕食飲品甜品類別，睇佢裝修風格時尚，每次落去Niko and...行下，都見呢間Cafe客人都幾多，相信應該都食得下吧？食物以fusion日式西餐風格為主，一於同老友來一試啦。
當我地19點50分來到，眼見得返２~３張吉枱，我就揀咗最的最角落位，貪其低調Ｄ冇咁當眼吖！
雖然款式唔係好多，但我真係有點選擇困難症，揀好食乜後，因為Menu上冇愛爾蘭咖啡，但我真係好想飲，即管問問Waiter有冇啦，哈~又有喎，不過就唔知幾錢杯咯？！
從坐下到點單２０分鐘後，飲品率先上場，之後到飯到粟米片，又是我的沙律最後到，我地慢慢食慢慢飲傾吓偈，食足１小時２０分，雖然店裡人流都幾多，但Waiter也冇半點趕我地埋單舉動，環境幾好唔嘈傾到偈，食物質素都唔錯，服務食物與價錢都算成正比，Good！
以下係我地點的菜：﹣
① 愛爾蘭咖啡 Irish coffee
② Umelini ($68)
③ 芝士焗牛肉漢堡飯配咖哩 Rice Curry Doria with Burger Steak & Cheese ($98)
④ 焗墨西哥粟米片 Salsa Nachos ($55)
⑤ 煙三文魚沙律 Raw Salmon & Cream Cheese Mizuna Salad ($78)
另10% Service Charge = $392
我最愛的＜愛爾蘭咖啡＞，比以往我飲過所有店子的份量較細杯，面層的cream也較少，酒味較種，啡味淡，反而更適合我，好飲，但會覺得唔夠候呀！！
老友的＜Umelini＞由梅酒，蘇打水、青檸汁和黑醋栗甜酒混合而成，佢就唔多鍾意呢杯野，覺得怪怪地，我試飲過係有汽嘅梅酒味飲品多，青檸味好微，就唔覺有Cassis味噃！？只可以話夠大杯囉，但唔抵飲。
老友點的主食＜芝士焗牛肉漢堡飯配咖哩＞，用鐵板上枱熱辣辣，芝士汁鋪滿整個飯，飯上溫泉蛋滑滑加上沙律醬幾好也唔膩，芝士juicy日本米煙韌，漢堡扒都juicy喎，整體都好好！
估唔到當做小食的＜焗墨西哥粟米片＞份量相當大，粟米片好香脆，配上一球酸忌廉、Salsa醬、黃瓜醬和焗得半溶的車打芝同食，好味，我地慢慢食到最後一塊都依然香脆，讚！
最後上枱嘅係＜煙三文魚沙律＞，賣相唔錯，於頂端有一球忌廉芝士、下面有３大片煙三文魚，但口感唔似煙過似刺身多Ｄ，都新鮮；下面放滿沙律菜、牛油果粒、蕃茄粒和粟米碎片，雖然我對芝麻沙律醬麻麻，不過新鮮份量都唔少，對此都相當滿意。
WIRED CAFE
ADD: 尖沙咀彌敦道118號Mira Mall地庫B13號舖
請先 登入 以發表留言。