凍栗香咖啡 (T: $34)
其實同CARAMEL MACCHIATO製法相似，只係在面層加入了栗子味糖漿，如冇攪拌好就飲係唔會有栗子味嘅，不過其實攪拌勻好也只有極啖栗子味而且奶味過重...我就唔係咁啱飲喇。
蘑菇芝士脆多 Mushroom Monsieur ($24)
由２件厚度一般的方包夾住意大利軟芝士，必須叫職員烘焗耐Ｄ濃Ｄ，咁先會外脆內軟，正！
面層有炒蘑菇夜在芝士上，烘焗後溶咗嘅芝士包住蘑菇係都幾好食。
Waffles (2pcs) ($12)
窩夫冇經翻熱，就算有牛油一盒都冇用，入口偏實唔又冇蛋香蛋味，唔係咁好食。
烤南瓜鬆餅 Roasted Pumpkin Muffin ($17)
本身個Muffin裡面有好多南瓜蓉同南瓜粒所以比其他款式的更鬆軟，有好多南瓜籽增加口感，唔甜都幾好食。
菠菜西蘭花芝士批 Spinach & Broccoli Cheese Pie ($24)
賣相其實幾ＯＫ，用酥皮作碗，盛載由西蘭花和四季豆混和於芝士中的餡，仲有Ｄ芝士粒粒咬下，但是有少少膩嘅，因為批底都幾油膩。
不過最奇怪係搵唔到有菠菜成份？只有西蘭花和四季豆咋喎，其實係咪Starbucks用錯名還是用錯材料呢？
熱情果野莓撻 Passion Fruit & Raspberry Tart ($19)
鮮黃色吉士醬平滑賣相好鮮明好吸引，第一口好有熱情果味而且幼滑，熱情果味吉士醬下面係紅桑子果醬，少少酸正好混和甜甜的吉士醬。
撻皮內層有一層薄薄的白朱古力，又係甜甜的，整體酸酸甜甜都幾令人醒胃，配Espresso最好。
火腿芝士脆多 Croque Monsieur ($24)
與蘑菇芝士脆多一樣由２件厚度一般的方包而成，面層有一大塊意大利軟芝士，２塊方包夾住軟芝士及有鹹香的火腿，普通得來都算幾好食。
請先 登入 以發表留言。