約２個月前係星巴克面書見到佢話係佐敦道有新店，我呢個路痴，當時諗極都諗唔到係邊，入Goo地圖搵又理解唔到，咁見到面書post咗店面的相又好似唔係好大咁，我怕搵唔到鋪頭之餘又怕若去到冇位咪大檸樂！？一心算啦，去到就去吧....
就係有呢個想法後幾日，同男友係尖咀行落旺角時佢帶我去佐敦道走一轉，原來咁近架咋？雖然望入去又真係好細，不過都可以係平日夜晚去，應該都唔會好多人嘅。
於是我地就揀咗個星期二晚去睇吓，其實鋪面唔大，坐位數量又唔多，以一大塊落地玻璃分隔外面，玻璃後一排坐位對正出面個巴士站，唔怕人望都可以坐嘅。
不過樓底好高空間感好好又寧靜，只是食物選擇唔多，應該係賣哂喇，諗住去新店所以都想食新野，好彩去之前係第２間Starbucks買去食啫，如果唔係真係冇野好食喇。
① 煙肉芝士卷 Bacon Cheese Roll ($13)
都幾......普通同貴，只係比起普通麵包店果Ｄ較大個同埋翻熱後的煙肉較香而已。
② 乾果果仁黑麥多士 Dried Fruit & Nut Rye Toast ($17)
本來見到一塊多士收17蚊唔值唔抵，可是我又想試暈新野食，買就買啦，當然又係叫店員叮燶Ｄ喇。
多士真係要燶邊先好食，因為呢件係厚多士呢，所以燶邊的麵包皮超脆，正！包入面有好多乾果，有紅莓乾無花果乾同杏脯，明明乾果應是頗甜的，但熱後同多士一齊食又唔甜喎，仲幾有咬口添，好食！！！
③ 焙茶紅菜頭鬆餅 Hojicha Beetroot Muffin ($17)
面層有亞麻籽，當然沒有味，整個Muffin見到黑色一條條的係茶葉，第一口食落的確好有茶味，茶葉支唔會難
面層有亞麻籽，當然沒有味，整個Muffin見到黑色一條條的係茶葉，第一口食落的確好有茶味，茶葉支唔會難
請先 登入 以發表留言。