是晚我地又係去睇戲前搵食，本來已經行到去海港城，不過都係唔知食乜，諗諗吓不如過返去K11下面食啜啜麵咯，還惦其中一個FD未試過，我地又好耐冇食，去吧！！
我地係尖咀來來回回終於係８點２來到，好彩唔使等位，一入到去嗱嗱淋睇吓食乜啦，大家都好快諗到要食嘅野點菜添~
我：什菌有機野菜啜啜麵 [番茄湯] ($58) + 套餐：野菜沙律 配即磨咖啡($20)= $78
男友：吉列豬扒拉麵 ($58) + 套餐：芝麻醬豆腐 配凍檸茶($20+$2)= $80
女友：海鮮拉麵 [長崎地獄湯] ($72) + 套餐：日式蒸蛋 配凍檸茶($20+$2)= $94
- 合共：$252
上菜速度都算幾快，但也唔會求其上枱，服務同上次一樣都ＯＫ，雖然客人多不過都唔嘈，空間感又大食得都幾舒服。
率先上嘅係跟餐的＜日式蒸蛋＞，熱辣辣且份量都幾大，眼見有日式魚片，算大粒的蟹柳，蛋都幾滑。
再來到我嘅套餐＜野菜沙律＞，同上次一樣份量少的可憐，都尚算新鮮。
跟住就到男友套餐的＜芝麻醬豆腐＞，細細舊滑豆腐加上多多的芝麻醬，芝麻味重是少甜的，都係普通喇。
第一碗來的係＜海鮮拉麵 [長崎地獄湯]＞，見到材料都幾豐富噃，有蝦、魷魚、帶子、日式魚片、蜆仔同蛋，拉麵彈牙唔韌，辣辣的湯底唔太濃都唔錯。
之後到我嘅＜什菌有機野菜啜啜麵 [番茄湯]＞，番茄湯真係好濃郁，配上有咬口的啜啜麵勁索湯汁食，而炒過的什菌野菜份量又多又好味，真心覺得正正正！
最後到男友的＜吉列豬扒拉麵＞，拉麵也是彈牙的，湯底係味噌湯，可是都幾咸，大大塊吉列豬扒香脆肉唔實，好食喎。
Misocool：http://www.misocool.com.hk/index.php
請先 登入 以發表留言。