其實我地呢餐本來係Dinner唔係叫宵夜，不過睇完戲後又搭一程車入大圍行到入去已經１１點，唔叫宵夜都唔得啦。
夜媽媽要打冷真係有Ｄ怕怕，一來我唔係宵夜，打冷又油又肥，諗起都怕，不過老友想食都會奉陪，最多食菜，唔會自己返屋企先喇~
我都係第一次係大圍打冷，原來有打冷食嘅，我地坐係店子門口吸煙位，睇來佢地一心都預咗要食乜，所以好快都點好野食，仲好鬼快上枱食得添！
① 鹵水拼盤：紅腸墨魚 ($70)
紅腸與墨魚份量都唔算好大碟，正常，且入味又唔咸，荳芽好爽，正。
② 韮菜豬紅 ($28)
好好好油，油到好恐佈，但油得來又唔辣想點？韮菜無渣豬紅夾落唔散但唔入味....只係一口油。
③ 鹵水鵝片 ($70)
我冇食，不過老友都食得好開懷，鵝片肥美鹵得啱啱好，仲有好多花生顫底，花生都好味。
④ 蠔仔粥一窩 ($50)
估唔到係咁大兜，開頭都怕會食唔哂0徒野，不過最後又食得哂喎，可能係水多過料啦，不過Ｄ蠔仔都算幾大隻，唔錯。
⑤ 炸泥鯭 ($35)
第一次見炸泥鯭，我唔敢惦，佢地就食得好順快，肉質爽口唔膩，不過泥鯭骨又唔會脆到可以食埋佢，佢地話ＯＫ好食喎。
⑥ 海味雜菜煲 ($55)
有好多粉絲小蝦米，魷魚唔韌白菜冇渣新鮮但生菜老了，不過其實都算油膩。
呢晚就勁啦，咁多野食只需４０分鐘就清哂，可能已經好夜又餓，所以清得咁快，食飽再慢慢行返火車站消化下......
真味飯店
地址：大圍積存街32號地下B及C號鋪
Tel: 2697 2896
地址：大圍積存街32號地下B及C號鋪
Tel: 2697 2896
請先 登入 以發表留言。