好耐都冇去酒家食中菜喇，仲要係同老友去食就更加少之又少，因為通常我地都係打邊爐居多啦，呢晚係唔知食乜好嘅情況下，又竟然冇人提議打邊爐，反而話去食炒小菜喎，不過又唔知新城市邊到有得食又唔使等位架？
諗諗吓友人話不如走去沙田娛樂城食喎，話有間富臨應該唔會好多人，我心諗，吓？乜沙田娛樂城有酒家架咩？記得中學時期去仲係篤波機鋪場添....
好吖，還惦都好多年冇行過果邊，就去睇吓囉~~ 就係咁，我地一行４人慢慢行到過去，都係要等位，不過我地係等小菜位就快少少囉，約１０分鐘就入座喇。
大家都等到餓，成８點幾，嗱嗱淋揀好６個餸飯都唔使要喇。
① 泡椒鳳爪 ($32) – 泡椒真係辣得超入味夠辣又酸，鳳爪都爽口。
② 瑤柱上湯雜菜煲 ($62) – 當見到白雪雪的上湯來到我本是很怕的，因為我唔鍾意所有白色湯底.....朋友試過係魚湯，講明唔腥我才敢試，又真係唔腥且湯質幾濃。
材料有粉絲、蝦乾、小唐菜、腐竹、金菇及瑤柱絲，大大粒蝦乾
請先 登入 以發表留言。