以下６款食品，雖然唔係所有都係全新，不過每樣都是不一樣的，要數到最好食同最鍾意食嘅呢.........
我會揀 Biscotti 同中東豆蓉素菜卷，其實每樣都幾好，不過對我較以健康為主的飲食狀況來講，呢兩款係啱心水多Ｄ！！
烤南瓜鬆餅 Roasted Pumpkin Muffin ($17)
今回呢個比其他Muffin質感都鬆軟，唔知會唔會因裡面有大量南瓜蓉同南瓜粒所致呢？不過又因為有好多南瓜，感覺輕型Ｄ唔油冇咁罪惡感，又有好多南瓜籽增加口感，我就覺得幾好食。
咖喱牛肉酥 Curry Beef Puff ($20)
一定要叫職員翻烤多Ｄ時間，酥皮微暖少少燶非常鬆脆，咖喱牛肉餡即係小時候係麵包鋪食果Ｄ炸咖喱牛肉包一樣味，仲幾香辣添，如果唔怕肥嘅話呢個真係好食。
紅豆杏仁士干餅 Red Bean & Almond Scone ($17)
頂層的黑朱古力醬經翻熱後依然微脆，不錯；而表面則灑上厚厚一層半杏仁粒，香脆可口；裡面有好多紅豆蓉致於餅底，要食到紅豆餡就要食到底先食到，但質感似乎欠缺應有濕潤也欠缺牛油香，幸好有好多紅豆，一齊食就唔會好乾嘅。
頂層的黑朱古力醬經翻熱後依然微脆，不錯；而表面則灑上厚厚一層半杏仁粒，香脆可口；裡面有好多紅豆蓉致於餅底，要食到紅豆餡就要食到底先食到，但質感似乎欠缺應有濕潤也欠缺牛油香，幸好有好多紅豆，一齊食就唔會好乾嘅。
Almond & Raisin Biscotti ($15)
香港Starbucks嘅Biscotti (意大利餅乾)只有杏仁提子乾一款揀，要食又乾又硬的Biscotti，當然跟甜酒或咖啡食就最好，對我鍾情飲Espresso來講，跟甜甜的Biscotti一齊食就最好味。
燴牛肉煙斗粉焗鍋 Beef Goulash Pipette Casserole ($37)
本身戒牛多年，本來都冇諗過食佢，不過老友想食，就叫啦，好彩我都鍾意食通粉類嘅野。
聽朋友講牛肉粒在濃湯燴得軟腍，只係份量極少；
不過有大量煙斗粉連同甘荀、香芹、洋蔥、蘑菇及紅腰豆加埋牛肉煲出的濃湯一齊食都幾好食，係個汁加分。
中東豆蓉素菜卷 Hummus Veggie Wrap ($39)
其實都食架架喇，不過上次係用咗綠色卷皮，呢個係再早前推出過嘅，但就沿用返全麥卷皮，雖然係冇麥味嘅，不過翻熱後微脆係幾好食，而餡料同樣幾豐富噃，從中間切開會見到一邊卷上生菜，另一邊則卷上好多青瓜、甘筍同黑豆，兩邊食都好清新，份量頗足夠飽。
請先 登入 以發表留言。