記得第一次去帝國中心Starbucks係係幾年前係隔離間酒店聽個Course，午餐時我就去呢間食晏，當時店子不算大，但都有個戶外位，可是對出的街道比較多車，我又只有呢個位揀，真係食塵咯。
而新搬遷嘅店位就正得多咯，係帝國中心中間大堂設置咗寬敞的開放式餐區，地方更大食物選擇更多，真是煥然一新！
也戶外也設有２張枱供應喜歡看街外景色嘅客，雖然都係多車行經，但呢個位好似外國Cafe店，都幾靚架！
這個下午來到，客人不太多，可是呢個開放式餐區係正大堂，上面又有２間酒樓，就算係Starbucks的客人唔嘈，只聽到上面有把女知客嗌咪講No.幾多位就已經嘈爆！
我星期日來都咁嘈，可想而知平日Lunch Time會有多嘈咯......不過只要過了２點，就會回復寧靜環境，呢到又多野食Ｄ，真係唔錯嘅。
呢日心情不錯，來來回回幾次，終於揀咗以下食物：
黑芝麻紅豆慕斯蛋糕 Black Sesame & Red Bean Mousse Cake ($32)
呢個係今個秋季新野，頂層的黑芝麻慕斯味道幾濃都幾香又唔甜，紅豆粒粒都幾多，可是白色部份的慕斯味道較淡，一定要夾住紅豆食味道才好。
烤焗素菜芝士批 Roasted Vegetable & Cheese Pie ($17)
因為係芝士批，所以就覺得批的大細剛好，夾雜著茄子、燈籠椒、洋蔥及用好多西蘭花放底層，芝士份量其實唔太多，食哂都唔會覺得膩，都幾好食。
青蘋果嫩雞沙律 Granny Smith Apple and Chicken Salad ($42)
來到呢間Bistro，梗係要揀Ｄ普通Starbucks冇嘅野食喇，呢次就揀咗呢個青蘋果嫩雞沙，切片的青蘋果份量都算多，嫩雞真係幾嫩滑，只可惜所供的沙律都撈哂沙律醬，如果可以分開，自由添加就更好啦。
地址 Address:
尖沙咀麼地道68號帝國中心地下G39, G40-G41號舖
G39, G40-G41 on G/F, Empire Centre, 68 Mody Road, Tsim Sha Tsui
G39, G40-G41 on G/F, Empire Centre, 68 Mody Road, Tsim Sha Tsui
請先 登入 以發表留言。