行咗差唔多２個小時曬足咁耐，終於入到有少少冷氣可以hea吓食野嘅地方，４點十入到來，搵個位坐低，店員行過來放低Menu後就叫我地慢慢揀好食物就係出面點餐的。
揀咗一陣，每人叫一個Set就得啦。
我的：(Q4) 香辣素菜墨西哥卷(意大利白腰豆、粟米、洋蔥、青椒、紅椒及黃椒) 配鮮果粒加Espresso Doppio ($55)
唔...可能因為等咗好耐，一來到時係有一點點失望嘅，睇落份量細之餘也將餐的配菜調轉咗，炒過的素菜味道係微辣的，有黑椒味，OK啦；香草油醋蕃茄新鮮，汁都好味。
我杯Espresso Doppio係全餐最好，真係用靚機整，微苦帶少少酸，好飲。
佢的：(S5) 芝士炒蛋麥包伴焗香草芝士蕃茄 配香草油醋蕃茄加青檸梳打 ($55)
冇諗過原來係將炒過的芝士蛋放上２片麥包之上，如果可以烘一烘麥包會好食Ｄ，而家似分開食好奇怪，不過芝士炒蛋好滑；伴鮮果粒有蘋果甜、菠蘿冇味淡及薄薄香焦片可以不理。
青檸梳打只可以話夠汽唔甜囉。
由佢出去買完返埋位坐開始計，我地足足等了又等....10分鐘先有野飲來，再等多１０分鐘，我地２個餐同時上檯，其實２個餐嘅食物咁簡單，點解要等咁耐呢？相信是廚房位只有門口個位，負責整飲品同食物的都是各一人，當時店面都坐了半成客，唔耐就有鬼咯。
結果我地飲完野先有野食，仲要因為趕搭６點４班船，所以都唔可以再慢慢飲住hea....都飲哂囉...。
Rainbow Café
地址：長洲新興海旁街63號地下
Tel: 6938 4433
請先 登入 以發表留言。