雖然呢間分店有Clover®沖調系統及頂級優質咖啡Starbucks Reserve™咖啡專享空間，也有其專賣品，之前更有由美國遠道而來的國際咖啡大師即席示範以Clover® 沖調系統調製Starbucks Reserve™，不過呢日我來望吓部機再去買野時，職員又冇向我介紹，其實點先可以試吓呢？？衰在我又唔敢問呢....唯有有機會再去有冇機會試啦。
記得上次來呢到已經係2010年喇，果時因為想去哂全港Starbucks先去嘅，幾個月前見佢裝修完，只是係出面經過都覺得靚咗好多喎，又知佢有Starbucks Reserve™，一於搵日順道來食返餐啦。
就係呢日Lunch Time來到，地方比之前更鮮明光猛，空間感更闊，冷氣更冷，而且食物款式也更多添，如果你想清靜Ｄ，一定要坐裡面，因為越近門口真係越嘈雜，不過裡面就真係好凍。
去排隊買野食前，職員先問你食乜，佢寫低後才比張紙你去比錢，職員動作都好快又正確，呢間分店係用個有Starbucks字樣的木盤盛載，而唔係出面分店同膠盤喎，呢個木盤真係好靚，如果有得買一定好好賣啫！！
① 白汁雞肉意大利雲吞(Tortellini) ($42)
雲吞皮太厚太實，就好似食緊一舊粉團，而且雞肉又實的的，成舊雲吞都唔好食，只有車厘茄加白汁好味而已，好失望。
② 忌廉野生蘑菇湯+橄欖麵包(Wild Mushroom Soup+Olive Bread) ($34)
雖然份量唔算好多，但蘑菇味濃，蘑菇片有咬口唔薄，附上的橄欖麵竟然比罌粟籽麵包好食，正！！
③ 罌粟籽麵包(Poppy Seed Bread) ($9)
呢個包仔真係.....冇味之餘又細又硬，唔好食。
④ 夾層林明頓(Lamington Quartet) ($16)
上次都食講過喇，雖然唔係特別好食，不過我又真係好鍾意食Lamington，咁呢日又特別想食少少蛋糕，咁當然要食佢啦，呢間可能賣得快Ｄ，唔會好似出面雪到硬實實，鬆軟Ｄ好食。
Starbucks HK facebook介紹：
「稀有獨特及味道細緻的Starbucks Reserve TM咖啡與Clover®沖調系統於歷山大廈星巴克分店全年限量供應，為你帶來頂級、創新的咖啡享受。我們現更推出兩款全新Starbucks Reserve - 印度尼西亞佛羅里斯及印度尼西亞西爪哇咖啡，這個夏天為你帶來與別不同的極致咖啡享受！
星巴克只選購全球首3%品質最高的阿拉比卡咖啡豆，當中只有最優質的1%珍貴而具獨特風味的品種，被冠以Starbucks ReserveTM的稱號。以「危地馬拉安提瓜美蒂娜咖啡」為例，全球一年生產量更少於1000包。而全球的星巴克分店當中，僅2%的分店提供以Clover®沖調系統調製的Starbucks ReserveTM咖啡。我們十分榮幸於歷山大廈星巴克全年限量供應此極為彌足珍貴的咖啡，並特別於分店加入ReserveTM咖啡專享空間，方便顧客了解其獨特之處，以及Clover® 這備受推崇的創新沖調技術。 」
星巴克只選購全球首3%品質最高的阿拉比卡咖啡豆，當中只有最優質的1%珍貴而具獨特風味的品種，被冠以Starbucks ReserveTM的稱號。以「危地馬拉安提瓜美蒂娜咖啡」為例，全球一年生產量更少於1000包。而全球的星巴克分店當中，僅2%的分店提供以Clover®沖調系統調製的Starbucks ReserveTM咖啡。我們十分榮幸於歷山大廈星巴克全年限量供應此極為彌足珍貴的咖啡，並特別於分店加入ReserveTM咖啡專享空間，方便顧客了解其獨特之處，以及Clover® 這備受推崇的創新沖調技術。 」
歷山大廈 Alexandra House II
遮打道16- 20號歷山大廈2樓201號
遮打道16- 20號歷山大廈2樓201號
Shop 201, 2/F, Alexandra House, 16-20 Chater Road, Central
請先 登入 以發表留言。