今年爸爸生日揀選曾得過米芝蓮美譽的楓林小館,並唔係因為佢個名涵,而係家人唔想去咁遠又想食中菜,咁大壽星每晚收工都會經過楓林,所以就提議去呢間喇。
因為知道店子常滿,所以預早一個星期Book枱,是晚我準時7點去到,家人已到達更點好餸菜添,眼見全場已經爆滿,雖然爆場,但又唔會覺得像酒樓般嘈雜喎,店內設計很富有舊式酒家色彩,餐牌更是以手寫影印,呢個年代真係少見。
食品方面以懷舊菜出名,定價很貴,不過各款味道都是中上,睇得出煮出心機份量也足;另外見到樓面上上下下招呼的都是伯伯級,且很有禮貌,雖然貴,不過都算物有所值的!!
呢晚我地一家都食得很開懷,食飽更行去新翠759消化消化添~ 很滿足!
是晚我們點了以下菜色:﹣
① 椒鹽蝦
② 乾燒伊麵
③ 紅燒乳鴿
④ 海鮮雜菜煲
⑤ 琵琶豆腐
⑥ 葡汁焗石班魚柳
10% Service Charge Total = $929
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700505-737068388_n.jpg)
![140726-09 140726-09](https://pic.pimg.tw/hoie/1418700505-2201493661_n.jpg)
① 椒鹽蝦 : 椒鹽蝦索價不非,雖然只得10隻,不過一分錢一分貨,大大隻鮮海蝦,外殼焦香夠脆有濃郁椒鹽味且非常乾身群油膩,肉質爽嫩,可一氣呵成整隻殼肉同吃,出色的。
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700521-1337624519_n.jpg)
② 乾燒伊麵:我們一家出外用餐唔會點飯/麵食嘅,不過今日係爸爸大壽,媽咪話點都會叫個長壽麵喎,所以就點骨呢碟干燒伊麵;
伊麵質感炒得唔錯,唔淋有D咬口,蠔油汁味唔太濃雖然睇落有點油,但可接受嘅,裡面有雜菌芽菜感覺健康左。
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700536-1440814161_n.jpg)
③ 紅燒乳鴿:本來媽咪想叫2隻,不過係得爸爸鍾意食,都係叫一隻夠喇;滷水汁甘香,表皮香脆肉嫩,連附上的蝦片都好脆。
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700549-1208275119_n.jpg)
④ 海鮮雜菜煲:我地一家出到去食飯都邊會叫雜菜煲嘅,呢間雜菜煲比出面食的差唔多貴一倍添,不過材料的確足又新鮮,西蘭花、紹菜、菠菜、瑤柱、蝦米、魷魚及粉絲作底,湯底也夠清甜!只要你係出面食過D菜係唔新鮮的雜菜煲,就知呢個真係好食!
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700562-725682105_n.jpg)
⑤ 琵琶豆腐:相信我們一家有超過十年冇食呢個餸,仲記得以前我地出街食飯都必點的,總覺得呢個係懷舊餸。
半煎炸的琵琶豆腐外面蛋醬唔厚香脆,淋上清淡蛋白芡,內餡以硬豆腐蝦膠冬菇芫茜勻和,名符其實外脆內軟,久違了的餸,一致贊好!!
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700576-764317330_n.jpg)
⑥ 葡汁焗石斑魚柳:葡汁多到差點滿瀉,裡面有一舊舊外脆內淋的薯仔,與葡汁食都有點膩;煎過的魚柳雖然在大量汁封住,不過依然香脆肉滑的,石斑魚柳只有幾件,不過算厚身大件,只是覺葡汁過多。
![到《楓林小館》食爸爸生日飯 到《楓林小館》食爸爸生日飯](https://pic.pimg.tw/hoie/1418700594-2729720541_n.jpg)
![140726-08 140726-08](https://pic.pimg.tw/hoie/1418700594-718547062_n.jpg)
楓林小館 Fung Lum Restaurant
地 址:大圍村南道45-47號地舖
電 話:2692 1175
營業時間:星期一至日: 11:00-22:00
文章標籤
全站熱搜